Team India (Photo Credit - X)

Australia National Cricket Team vs India National Cricket Team, 5th Test Match:   ऑस्ट्रेलिया राष्ट्रीय क्रिकेट विरुद्ध भारतीय राष्ट्रीय क्रिकेट संघ यांच्यातील 5 सामन्यांच्या कसोटी मालिकेतील (Test Series)  पाचवा आणि शेवटचा कसोटी सामना 3 जानेवारीपासून खेळवला जाणार आहे. उभय संघांमधला चौथा सामना सिडनी (Sydney) येथील सिडनी क्रिकेट मैदानावर (Sydney Cricket Ground) भारतीय वेळेनुसार पहाटे 5.00 वाजता खेळवला जाईल. चौथ्या कसोटीत ऑस्ट्रेलियाने टीम इंडियाचा 184 धावांनी पराभव केला. यासह ऑस्ट्रेलियन संघाने मालिकेत 2-1 अशी आघाडी घेतली आहे. या मालिकेत टीम इंडियाची कमान रोहित शर्माच्या (Rohit Sharma) हातात आहे. तर ऑस्ट्रेलियाचे नेतृत्व पॅट कमिन्सकडे (Pat Cummins)  आहे.  (हेही वाचा -  Virat Kohli Test Record Against Australia: कसोटी क्रिकेटमध्ये विराट कोहलीची ऑस्ट्रेलियाविरुद्धची कामगिरी अशी आहे, 'रन मशीन'च्या; आकडेवारीवर एक नजर)

आता या मालिकेतील पाचवी कसोटी सिडनी येथील सिडनी क्रिकेट मैदानावर 3 जानेवारीपासून खेळवली जाणार आहे. रोहित शर्माच्या नेतृत्वाखाली संघाला हा सामना जिंकून मालिकेत बरोबरी साधायची आहे. जर संघाला बॉर्डर-गावस्कर मालिका कायम ठेवायची असेल, तर सिडनीमध्ये कोणत्याही किंमतीवर विजय मिळवावा लागेल. याशिवाय सिडनीमध्ये विजय मिळवून टीम इंडिया वर्ल्ड टेस्ट चॅम्पियनशिपच्या अंतिम फेरीत पोहोचण्याच्या आशाही जिवंत ठेवेल. सिडनी येथे खेळल्या जाणाऱ्या पाचव्या कसोटीत टीम इंडिया आपल्या प्लेइंग इलेव्हनमध्ये मोठा बदल करू शकते.

आता टीम इंडिया या मालिकेत पिछाडीवर पडली असून प्रदीर्घ काळानंतर बॉर्डर गावस्कर ट्रॉफी गमावण्याचा धोकाही मावळला आहे. या सीरिजमध्ये टीम इंडियाचा कर्णधार रोहित शर्माला त्याच्या फलंदाजी आणि कर्णधारपदावरून खूप टीकेला सामोरे जावे लागले आहे.

सिडनी कसोटीत टीम इंडिया या दिग्गजांसह मैदानात उतरू शकते

मेलबर्न कसोटीत कर्णधार रोहित शर्मा पुन्हा एकदा यशस्वी जैस्वालसोबत डावाची सुरुवात करू शकतो. शुभमन गिल आणि विराट कोहली तिसऱ्या आणि चौथ्या क्रमांकावर फलंदाजीला येऊ शकतात. रवींद्र जडेजाच्या जागी शुभमन गिलचे संघात पुनरागमन होऊ शकते. पहिल्या दोन कसोटी सामन्यांमध्ये डावाची सुरुवात करणारा केएल राहुल पाचव्या क्रमांकावर फलंदाजी करताना दिसतो. ऋषभ पंतला सहाव्या क्रमांकावर फलंदाजीसाठी पाठवले जाऊ शकते.

नितीश कुमार रेड्डी यांनी मेलबर्न कसोटीत चमकदार कामगिरी केली आहे. त्यानंतर सिडनी कसोटीत नितीश कुमार रेड्डीचे स्थान जवळपास निश्चित झाले असले तरी स्पिनरच्या प्रश्नाने टीम इंडियाला घेरले आहे. मेलबर्न कसोटीतील कामगिरी आणि सध्याचा फॉर्म लक्षात घेता वॉशिंग्टन सुंदरला प्लेइंग इलेव्हनमध्ये पाहता येईल. जसप्रीत बुमराह आणि मोहम्मद सिराज हे दोन्ही बाजूंनी नव्या चेंडूची जबाबदारी सांभाळताना दिसतात. तर आकाश दीप रजेवर असू शकतो. आकाश दीपच्या जागी प्रसिध कृष्णाला प्लेइंग इलेव्हनमध्ये संधी मिळू शकते.

रोहित शर्मा (कर्णधार), यशस्वी जैस्वाल, शुभमन गिल, विराट कोहली, केएल राहुल, ऋषभ पंत (यष्टीरक्षक), नितीश कुमार रेड्डी, वॉशिंग्टन सुंदर, जसप्रीत बुमराह , प्रसीध कृष्णा, मोहम्मद सिराज.