IND vs AUS 1st T20: बुमराहचे 71 दिवसांनंतर आज होणार पुनरागमन, ऑस्ट्रेलियाविरुद्ध ठरु शकतो घातक
जसप्रीत बुमराह दीर्घ विश्रांतीनंतर संघात पुनरागमन करत आहे. त्याने 9 जुलै रोजी बर्मिंगहॅम येथे इंग्लंडविरुद्ध शेवटचा सामना खेळला होता. म्हणजेच बुमराह 71 दिवसांनंतर सामना खेळण्यासाठी मैदानात उतरणार आहे.
भारत आणि ऑस्ट्रेलिया (IND vs AUS) यांच्यातील टी-20 (T20) मालिकेला आजपासून सुरुवात होत आहे. T20 विश्वचषक सुरू होण्यास एक महिन्यापेक्षा कमी कालावधी शिल्लक असताना ही मालिका दोन्ही संघांसाठी अत्यंत महत्त्वाची ठरणार आहे. भारतीय संघ (Team India) आशिया चषक 2022 (Asia Cup 2022) मध्ये आपल्या चुका सुधारण्याचा प्रयत्न करेल, त्याच वेळी त्याचा स्टार वेगवान गोलंदाज जसप्रीत बुमराहच्या (Jasprit Bumrah) कामगिरीकडेही लक्ष असेल. विशेष म्हणजे जसप्रीत बुमराह दीर्घ विश्रांतीनंतर संघात पुनरागमन करत आहे. त्याने 9 जुलै रोजी बर्मिंगहॅम येथे इंग्लंडविरुद्ध शेवटचा सामना खेळला होता. म्हणजेच बुमराह 71 दिवसांनंतर सामना खेळण्यासाठी मैदानात उतरणार आहे. अशा परिस्थितीत टीम इंडियाला या स्टार वेगवान गोलंदाजाकडून जुन्या फॉर्मचीच अपेक्षा असेल. कारण बुमराहच्या संघात अनुपस्थितीमुळे भारतीय संघाला आशिया चषकात खूप त्रास सहन करावा लागला होता.
T20I मध्ये सर्वाधिक विकेट घेणारा तिसरा भारतीय
बुमराहच्या आकडेवारीवर नजर टाकल्यास, त्याने आतापर्यंत 58 सामन्यांमध्ये 69 बळी घेतले आहेत आणि भारतासाठी सर्वाधिक बळी घेणारा तिसरा गोलंदाज आहे. यॉर्कर स्पेशलिस्ट बुमराह पॉवरप्लेमध्ये नवीन चेंडूने विकेट घेण्यात तसेच डेथ ओव्हर्समध्ये यॉर्कर बॉलने विरोधी फलंदाजांच्या धावा रोखण्यात माहिर आहे.
.@Jaspritbumrah93 seen during warm up session today before he conquered the practice session #IndvsAus#gulzarchahal #1stT20I #pca #pcanews #punjabcricket #punjab #cricket #teamindia #indiancricketteam #punjabcricketnews #cricketnews #gulzarinderchahal @gulzarchahal @BCCI pic.twitter.com/kqXP6rY594
— Punjab Cricket Association (@pcacricket) September 19, 2022
ऑस्ट्रेलियाविरुद्ध बुमराह नंबर वन
28 वर्षीय बुमराह ऑस्ट्रेलियाविरुद्ध आणखीनच प्राणघातक ठरला. जर तुम्हाला आकडेवारीत समजले तर बुमराह हा भारत आणि ऑस्ट्रेलिया दरम्यान खेळल्या गेलेल्या T20 सामन्यांमध्ये सर्वाधिक विकेट घेणारा गोलंदाज आहे. त्याने आतापर्यंत 11 डावात 7.45 च्या इकॉनॉमीसह 15 बळी घेतले आहेत. (हे देखील वाचा: Rohit Sharma On Jasprit Bumrah: टीम इंडियात जसप्रीत बुमराहच्या पुनरागमनामागे रोहित शर्माने दिली प्रतिक्रिया, म्हणाला...)
Preps ✅#TeamIndia set for the 1⃣st #INDvAUS T20I! 👍 👍 pic.twitter.com/R07qPSsNlO
— BCCI (@BCCI) September 20, 2022
इंग्लंडविरुद्ध घेतल्या दोन विकेट
दुखापत होण्यापूर्वी बुमराहने त्याच्या शेवटच्या सामन्यात इंग्लंडविरुद्ध जबरदस्त गोलंदाजी केली होती. बर्मिंगहॅममध्ये खेळल्या गेलेल्या त्या सामन्यात, त्याने मेडनसह तीन षटकात फक्त 10 धावा दिल्या आणि लियाम लिव्हिंगस्टोन आणि सॅम कुरन यांच्या विकेट्सही घेतल्या.
(The above story first appeared on LatestLY on Sep 20, 2022 05:07 PM IST. For more news and updates on politics, world, sports, entertainment and lifestyle, log on to our website latestly.com).
