IND Vs AUS 2nd Test: भारताकडून मिळालेल्या पराभवानंतर ऑस्ट्रेलियाच्या संघाला अजून एक मोठा धक्का; आयसीसीने ठोठावला सामना शुल्काचा 40 टक्के दंड

भारत आणि ऑस्ट्रेलिया (India vs Australia 2nd Test) यांच्यात चार सामन्यांची कसोटी मालिका सुरु आहे. या  मालिकेच्या दुसऱ्या सामन्यात भारताकडून दारूण पराभव झाल्यानंतर ऑस्ट्रेलियाचा संघाला आता आणखी एक धक्का बसला आहे. टिम पेन (Tim Paine) याच्या नेतृत्वात खेळणाऱ्या ऑस्ट्रेलियाच्या संघाला प्रथम भारताकडून पराभवाचा सामना करावा लागला आणि नंतर आंतरराष्ट्रीय क्रिकेट परिषदेने (ICC) संघावर मोठा दंड ठोठावला आहे. स्लो ओव्हर रेटमुळे आयसीसीने ऑस्ट्रेलियाच्या संघाला दंड ठोठावला आहे. आयसीसीने ऑस्ट्रेलियाच्या संघाला 40 टक्के सामना शुल्काचा दंड ठोठावला आहे.

पहिल्या सामन्यात ऑस्ट्रेलियाच्या संघाकडून लाजीरवाणा पराभव झाल्यानंतर भारतीय संघाने दुसऱ्या कसोटी सामन्यात उत्कृष्ट कामगिरी करून दाखवली आहे. या सामन्यात अजिंक्य राहाणे यांच्या शतकी खेळी करून संघाच्या विजयात मोलाचे योगदान दिले आहे. मात्र, दुसऱ्या सामन्यात दारूण पराभव झालेल्या ऑस्ट्रेलियाच्या संघाला आयीसीने झटका दिला आहे. टिम पेन याच्या नेतृत्वात खेळणाऱ्या ऑस्ट्रेलियाच्या संघाने निश्चित वेळेत गोलंदाजी पूर्ण केली नाही. यामुळे आंतरराष्ट्रीय क्रिकेट परिषदेने ऑस्ट्रेलियाच्या संघावर मोठा दंड ठोठावला आहे. हे देखील वाचा- IND vs AUS 2nd Test 2020: टीम इंडिया अशाप्रकारे करतेय ऐतिहासिक विजयाचा आनंद साजरा, पहा Photos

एएनआयचे ट्विट-

Australia have been fined 40% of their match fee and penalised four ICC World Test Championship points for maintaining a slow over-rate against India in the second Test that ended in Melbourne today: International Cricket Council

— ANI (@ANI) December 29, 2020

भारत आणि ऑस्ट्रेलिया यांच्यातील तिसरा कसोटी सामना 7 जानेवारीला सिडनी क्रिकेट ग्राऊंड खेळला जाणार आहे. त्याचबरोबर शेवटचा कसोटी सामना 15 जानेवारीला ब्रिस्बेन क्रिकेट ग्राऊंडवर पार पडणार आहे.

(The above story first appeared on LatestLY on Dec 29, 2020 03:09 PM IST. For more news and updates on politics, world, sports, entertainment and lifestyle, log on to our website latestly.com).