Arun Jaitley Passes Away: अरुण जेटली DDCA अध्यक्ष असताना बनले होते खेळाडूंचे संकटमोचक; वीरेंद्र सेहवाग याने श्रद्धांजली वाहत सांगितली आठवण

भारतीय जनता पक्षाचे ज्येष्ठ नेते आणि माजी केंद्रीय अर्थमंत्री अरुण जेटली (Arun Jaitley) यांचे आज, 24 ऑगस्ट रोजी दिल्ली (Delhi) येथील एम्स (AIIMS Hospital) रुग्णालयात निधन झाले आहे. ते 66 वर्षांचे होते. केंद्रीय मंत्रीच्या रूपात जेटली यांनी अनेक पदभार सांभाळला. पण, क्रिकेट मैदान असो किंवा याच्याशी निगडित राजकारण, क्रिकेट प्रशंसकांना संकटकाळात जेटलींची आठवण यायची. एक राजकारणी असूनही जेटली यांना प्रत्येक भारतीय प्रमाणे क्रिकेटचे वेड होते. जेटली कधीही बीसीसीआयचे अध्यक्ष राहिले नाहीत, परंतु क्रिकेट विश्वात त्यांचे मोठे स्थान होते. वीरेंद्र सेहवाग (Virender Sehwag), आशिष नेहरा, गौतम गंभीर (Gautam Gambhir), विराट कोहली, इशांत शर्मा, शिखर धवन अशा दिल्लीच्या क्रिकेटपटूंची स्थापना करण्यात जेटली यांचे मोलाचे योगदान होते. (Arun Jaitley Passes Away: अरुण जेटली यांच्या व्यक्तिगत व राजकीय जीवनाचा आढावा, वाचा सविस्तर)

जेटली यांच्या निधनानंतर सेहवाग याने ट्विट करत त्याच्या डीडीसीए अध्यक्षपदी असताना त्यांच्या कामगिरीबद्दल सांगितले. "सार्वजनिक जीवनात मोठी सेवा बजावण्याव्यतिरिक्त, दिल्लीच्या कित्येक खेळाडूंना भारताचे प्रतिनिधित्व करण्याची संधी मिळवून देण्यात त्यांनी मोठी भूमिका बजावली. एक काळ असा होता की दिल्लीतील बहुतेक खेळाडूंना उच्च स्तरावर खेळण्याची संधी नव्हती, पण त्यांच्या नेतृत्वात माझ्यासह अनेक खेळाडूंना भारताचे प्रतिनिधित्व करण्याची संधी मिळाली. ते खेळाडूंच्या गरजा ऐकायचे आणि खेळाडूंसाठी संकटमोचक होते. वैयक्तिकरित्या माझे त्याच्याबरोबर एक अतिशय सुंदर नाते होते. माझे विचार आणि प्रार्थना त्याच्या कुटुंबियांसह आणि प्रियजनांबरोबर आहेत. ओम शांती" सेहवाग ऐवजी गौतम गंभीर याने देखील जेटलींना श्रद्धांजली देत भावून ट्विट केले आहेत.

But under his leadership at the DDCA, many players including me got a chance to represent India. He listened to needs of the players & was a problem solver. Personally shared a very beautiful relationship with him. My thoughts & prayers are with his family & loved ones. Om Shanti https://t.co/Kl4NpprR6W

— Virender Sehwag (@virendersehwag) August 24, 2019

गंभीर

A father teaches u to speak but a father figure teaches u to talk. A father teaches u to walk but a father figure teaches u to march on. A father gives u a name but a father figure gives u an identity. A part of me is gone with my Father Figure Shri Arun Jaitley Ji. RIP Sir.

— Gautam Gambhir (@GautamGambhir) August 24, 2019

जेटली यांनी डीडीसीएचे (DDCA) अध्यक्ष, बीसीसीआयचे उपाध्यक्ष असताना दिल्लीचे या प्रख्यात क्रिकेटपटूंना क्रिकेटच्या उंचीवर नेऊन ठेवले. खरं तर, आजचे हे प्रसिद्ध क्रिकेटपटू जेटलींच्या कारकिर्दी दरम्यानच क्रिकेटच्या शीर्ष स्थानावर जाऊन पोहचले. माजी टेस्ट क्रिकेटपटू आशिष नेहरा यांना गंभीर दुखापत झाली होती तेव्हा जेटली यांनीच नेहरावर उपचार करण्याचे वचन दिले होते. नेहराचे ऑपरेशन झाले आणि त्यानंतर त्याने भारतीय संघात पुनरागमन केले. सेहवाग, गंभीर, शिखर, विराट, इशांत आणि आशिष यांच्या कारकीर्दीत त्यांच्या कारकीर्दीत यश आले. ते स्वत: बीसीसीआयसमोर त्यांच्या चांगल्या कामगिरीसाठी वकिली करत असत.

जेव्हा बीसीसीआयने आपल्या माजी क्रिकेटपटूंसाठी पेन्शन योजना सुरू केली तेव्हा अरुण जेटलींनी देखील डीडीसीएमध्ये क्रिकेटर्स पेन्शन योजना सुरू केली. शिवाय डीडीसीएचे अध्यक्ष असताना जेटली यांनी अनेक कठोर निर्णयदेखील घेतले आहेत. एकदा त्याला कळले की डीडीसीए निवड समितीने मनमानीपणे रणजी संघाची निवड केली आहे. तेव्हा त्यांनी, डीडीसीएच्या इतिहासात प्रथमच निवड समिती बरखास्त केली. एकदा संघ तीन गटातून निवडला गेला. त्यांनी अ‍ॅडहॉक समिती उभे करून स्वत: निवड करण्याची जबाबदारी स्वीकारली. दरम्यान, डीडीसीएचे अध्यक्षपद सोडल्यानंतर आणि अलीकडच्या काळात ते रणजी सामने पाहण्यासाठी कोटला येथे पोचत असत. अरुण जेटली यांच्याच कार्यकाळात फिरोजशाह कोटला स्टेडियमचे नूतनीकरण करण्यात आले होते.

(The above story first appeared on LatestLY on Aug 24, 2019 01:56 PM IST. For more news and updates on politics, world, sports, entertainment and lifestyle, log on to our website latestly.com).