Abhisekh Sharma New Record: अभिषेक शर्माने रचला इतिहास; पाकिस्तानविरुद्ध सर्वात जलद अर्धशतक ठोकणारा पहिला भारतीय ठरला
टीम इंडियाचा युवा फलंदाज अभिषेक शर्माने फलंदाजी करताना आपल्या एका चुकीची भरपाई करून दिली. त्याने आपल्या खेळीची सुरुवात दमदार षटकाराने केली आणि त्यानंतर तुफान फलंदाजी करत अर्धशतक ठोकले.
IND vs PAK: भारत आणि पाकिस्तान यांच्यात आशिया कप २०२५ मध्ये सुपर-४ चा दुसरा थरारक सामना खेळला गेला. या सामन्यात टीम इंडियाचा युवा फलंदाज अभिषेक शर्माने फलंदाजी करताना आपल्या एका चुकीची भरपाई करून दिली. त्याने आपल्या खेळीची सुरुवात दमदार षटकाराने केली आणि त्यानंतर तुफान फलंदाजी करत अर्धशतक ठोकले. या अर्धशतकासह त्याने टी-२० आंतरराष्ट्रीय क्रिकेटमध्ये पाकिस्तानविरुद्ध एक मोठा इतिहास रचला आहे.
अभिषेक शर्माने मोडला युवराज सिंगचा विक्रम
या सामन्यात अभिषेक शर्माने केवळ २४ चेंडूंमध्ये आपले अर्धशतक पूर्ण केले. या कामगिरीसह तो टी२० आंतरराष्ट्रीय सामन्यांमध्ये पाकिस्तानविरुद्ध सर्वात जलद अर्धशतक ठोकणारा पहिला भारतीय खेळाडू ठरला आहे. याआधी हा विक्रम टीम इंडियाचा माजी दिग्गज फलंदाज युवराज सिंगच्या नावावर होता. युवराजने २०१२ मध्ये पाकिस्तानविरुद्ध २९ चेंडूत अर्धशतक झळकावले होते.
Abhishek Sharma is the Most Dangerous Sixer-Hitter I’ve ever seen! 🏏💥
No line, No length is safe when he’s at the crease – Absolutely Fearless & Ruthless. 🔥
This young guy is destined to do incredible things for team India.🇮🇳
#AbhishekSharma #AsiaCup #IndvsPak #INDvPAK pic.twitter.com/f3BijpiKXg
— Dinesh Suthar (@Dineshsuthar88) September 21, 2025
जर दोन्ही देशांच्या खेळाडूंचा विचार केला, तर सर्वात जलद अर्धशतकाचा विक्रम पाकिस्तानचा माजी खेळाडू मोहम्मद हफीजच्या नावावर आहे. त्याने २०१२ मध्ये भारताविरुद्ध केवळ २३ चेंडूंमध्ये अर्धशतक पूर्ण केले होते.
तुफानी खेळीचे वैशिष्ट्य
अभिषेक शर्माने या सामन्यात शाहीन आफ्रिदीच्या पहिल्याच चेंडूवर षटकार मारून आपल्या धडाकेबाज खेळीची सुरुवात केली. त्याने शुभमन गिलसोबत पहिल्या विकेटसाठी १०० हून अधिक धावांची महत्त्वपूर्ण भागीदारी केली. अखेरीस तो ३९ चेंडूत ६ चौकार आणि ५ षटकारांच्या मदतीने ७४ धावांची विस्फोटक खेळी करून बाद झाला. या खेळीदरम्यान त्याचा स्ट्राइक रेट १८९.७४ इतका प्रभावी होता.
(The above story first appeared on LatestLY on Aug 15, 4929 05:58 PM IST. For more news and updates on politics, world, sports, entertainment and lifestyle, log on to our website latestly.com).
