Indian Budget 2023-24: तालिबानने केले भारताच्या 2023-24 च्या अर्थसंकल्पाचे स्वागत; म्हटले- 'राष्ट्रांमधील संबंध सुधारण्यास होईल मदत'
भारताने अफगाणिस्तानला 200 कोटी रुपयांची विकास मदत देण्याचे वचन दिले आहे. तालिबानने अफगाणिस्तानवर ताबा मिळवल्यानंतर भारताच्या पाठिंब्याचे हे दुसरे वर्ष आहे.
तालिबानने गुरुवारी भारताच्या केंद्रीय अर्थसंकल्प 2023-2024 चे स्वागत केले. तालिबानने सांगितले की भारताने अफगाणिस्तानला मदत जाहीर केल्याने दोन्ही देशांमधील संबंध आणि विश्वास सुधारण्यास मदत होईल. खामा प्रेसने याबाबत वृत्त दिले आहे. अर्थमंत्री निर्मला सीतारामन यांनी केंद्रीय अर्थसंकल्पात अफगाणिस्तानसाठी $25 दशलक्ष विकास मदत पॅकेजचा प्रस्ताव दिल्यानंतर ही तालिबानची टिप्पणी समोर आली आहे. सीतारामन यांनी बुधवारी सकाळी 11 वाजता अर्थसंकल्पीय भाषणाला सुरुवात केली होती. हा मोदी सरकारच्या दुसऱ्या कार्यकाळातील शेवटचा पूर्ण अर्थसंकल्प आहे. मागील दोन केंद्रीय अर्थसंकल्पांप्रमाणेच 2023-24 चा अर्थसंकल्पही कागदविरहित पद्धतीने सादर करण्यात आला.
भारताने अफगाणिस्तानला 200 कोटी रुपयांची विकास मदत देण्याचे वचन दिले आहे. तालिबानने अफगाणिस्तानवर ताबा मिळवल्यानंतर भारताच्या पाठिंब्याचे हे दुसरे वर्ष आहे. भारताच्या अर्थसंकल्पाचे स्वागत करताना तालिबानच्या वाटाघाटी करणार्या टीमचे माजी सदस्य सुहेल शाहीन म्हणाले, ‘अफगाणिस्तानच्या विकासासाठी भारताच्या पाठिंब्याचे आम्ही कौतुक करतो.’ ऑगस्ट 2021 मध्ये तालिबानने काबूलमध्ये सत्ता काबीज केली तेव्हा अफगाणिस्तान आणि भारत यांच्यातील संबंध ताणले गेले आणि भारताकडून समर्थित इथले बहुतेक उपक्रम थांबले होते.
Taliban welcomes Indian Budget 2023-24, says will help improve ties between nations
Read @ANI Story | https://t.co/Y84410rnpO#Taliban #Budget2023 #BudgetSession pic.twitter.com/NCTOBKoPon
— ANI Digital (@ani_digital) February 2, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Feb 02, 2023 11:16 PM IST. For more news and updates on politics, world, sports, entertainment and lifestyle, log on to our website latestly.com).
