Bangladesh Crisis: भारतीय रेल्वे सेवेवरही झाला बांगलादेशातील हिंसाचाराचा परिणाम; कोलकाता-ढाका दरम्यानच्या Maitri Express सह अनेक गाड्या रद्द

Bangladesh Crisis: बांगलादेशच्या पंतप्रधान शेख हसीना यांनी सोमवारी आपल्या पदाचा राजीनामा दिला. राजीनामा दिल्यानंतर त्या लष्कराच्या विशेष हेलिकॉप्टरने भारतात आल्या व लवकरच त्या लंडनला जाणार असल्याची माहिती सूत्रांच्या हवाल्याने येत आहे. बांगलादेशातील हिंसाचाराच्या घडामोडी पाहता भारतही 'हाय अलर्ट' मोडवर आहे. शेजारील देशात सुरु असलेल्या निदर्शनांच्या पार्श्वभूमीवर भारत आणि बांगलादेश दरम्यानची रेल्वे सेवा बंद करण्यात आल्याचे वृत्त समोर येत आहे.

माहितीनुसार, 13109/13110 (कोलकाता-ढाका-कोलकाता मैत्री एक्सप्रेस) रेल्वे 19 जुलै ते 6 ऑगस्ट दरम्यान रद्द करण्यात आली होती. यासह बंधन एक्सप्रेस, मिताली एक्सप्रेस या गाड्याही रद्द करण्यात आल्या आहेत. बांगलादेशातील घडामोडी लक्षात घेऊन सीमा सुरक्षा दलाने (बीएसएफ) सोमवारी 4,096 किमी लांबीच्या भारत-बांगलादेश सीमेवरील सर्व युनिट्ससाठी 'हाय अलर्ट' जारी केला आहे. बीएसएफने आपल्या सर्व 'फील्ड कमांडर्स'ना तात्काळ सीमेवर सर्व जवान तैनात करण्याचे निर्देश दिले आहेत. (हेही वाचा: Bangladesh Protests: पंतप्रधानपदाचा राजीनामा दिल्यानंतर दिल्लीत आल्या शेख हसीना; आता लंडनला जाणार)

पहा पोस्ट-

Indian Railways had cancelled all train services including Kolkata-Dhaka-Kolkata Maitri Express train to Bangladesh from 19th July till 6th August: Indian Railways

— ANI (@ANI) August 5, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Aug 05, 2024 06:29 PM IST. For more news and updates on politics, world, sports, entertainment and lifestyle, log on to our website latestly.com).