Digital Payment: भारत-सिंगापूरमधील डिजिटल व्यवहार अधिक सोपे होणार, पंतप्रधान मोदींच्या उपस्थितीत UPI-PayNow पेमेंट कनेक्टिव्हिटी लाँच होणार
आता सिंगापूरमधल्या भारतीयांना सिंगापूरमधून भारतात आणि भारतातून सिंगापूरमध्ये तात्काळ आणि कमी खर्चात पैसे हस्तांतरित करता येणार आहे.
पंतप्रधान नरेंद्र मोदी (Narendra Modi) आणि सिंगापूरचे पंतप्रधान ली सिएन लूंग (Lee Hsien Loong) हे आज सकाळी 11 वाजता व्हिडिओ कॉन्फरन्सिंगद्वारे भारताचे युनिफाइड पेमेंट्स इंटरफेस (UPI) आणि सिंगापूरचे पे नाऊ (PayNow) दरम्यान क्रॉस-बॉर्डर कनेक्टिव्हिटीचा प्रारंभ करतील. भारतीय रिझर्व्ह बँकेचे गव्हर्नर (RBI) शक्तिकांत दास (Shaktikant Das) आणि मॉनेटरी ऑथॉरिटी ऑफ सिंगापूरचे व्यवस्थापकीय संचालक रवी मेनन (Ravi Menon) यांच्या हस्ते या सेवेचा प्रारंभ होईल. या दोन पेमेंट व्यवस्थांच्या जोडणीमुळे दोन्ही देशांतील रहिवाशांना सीमेपलीकडून पैशाचे जलद आणि किफायतशीर हस्तांतरण (Digital Money Transfer) करता येईल. यामुळे सिंगापूरमधील भारतीय समुदायाला विशेषत: स्थलांतरित कामगार आणि विद्यार्थ्यांना सिंगापूरमधून भारतात आणि भारतातून सिंगापूरमध्ये तात्काळ आणि कमी खर्चात पैसे हस्तांतरित करता येतील.
PM @narendramodi and Prime Minister of Singapore @leehsienloong would witness the launch of cross-border connectivity between the Unified Payments Interface (UPI) of India and PayNow of Singapore on February 21, 2023 pic.twitter.com/4nq9b5dM7G
— PIB India (@PIB_India) February 20, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Feb 21, 2023 08:43 AM IST. For more news and updates on politics, world, sports, entertainment and lifestyle, log on to our website latestly.com).
