Vinesh Phogat Disqualification: 'विनेश फोगटसोबत पाठविलेले कोच, डायटीशन, फिजिकल ट्रेनर्स सर्वांची चौकशी व्हावी'; सुप्रिया सुळे यांची मागणी

Vinesh Phogat Disqualification: आज भारतीय महिला कुस्तीपटू विनेश फोगट पॅरिसमध्ये सुरु असलेल्या ऑलिम्पिकमधून बाहेर पडली. विनेशने मंगळवारी पॅरिस ऑलिम्पिक 2024 मध्ये एकापाठोपाठ अनेक सामने जिंकत अंतिम फेरीत प्रवेश केला. मात्र आज अंतिम सामन्याआधी तिचे वजन थोडे जास्त असल्याचे दिसून आले व त्यानंतर ती अपात्र ठरली. यावरून आता राजकीय चर्चा सुरू झाली आहे. या संदर्भात विरोधी पक्षांतील अनेक नेत्यांनी संपूर्ण प्रकरणाची चौकशी करण्याची मागणी केली आहे. पॅरिस ऑलिम्पिकच्या अंतिम सामन्यापूर्वी वजन जास्त असल्याने कुस्तीपटू विनेश फोगट अपात्र ठरली. मात्र तिच्यासोबत संपूर्ण टीम असताना असे कसे घडले? असा प्रश्न उपस्थित होत आहे. बारामतीच्या खासदार आणि एनसीपी-एसपी नेत्या सुप्रिया सुळे यांनीही विनेश फोगटसोबत पाठविलेले कोच, डायटीशन, फिजिकल ट्रेनर्स सर्वांची चौकशी व्हावी अशी मागणी केली आहे.

सुप्रिया सुळे म्हणतात, ‘लोकसभेत क्रीडामंत्र्यांनी विनेश फोगटच्या अपात्रतेबाबत निवेदन केले. आम्ही या निवेदनाचा निषेध करतो. त्यांच्या निवेदनात पदक हुकल्याबाबतच्या दुःखाचा लवलेशही नव्हता. प्रश्न उपस्थित होतो की विनेश सोबत पाठविलेले कोच, डायटीशन, फिजिकल ट्रेनर्स हे सगळं घडेपर्यंत काय करत होते? एवढा मोठा लवाजमा सोबत असतानाही हा प्रकार घडावा हे अतिशय दुःखद आहे. आमची मागणी आहे की, या संपूर्ण प्रकरणाची सखोल चौकशी व्हावी. आम्ही सर्वजण या प्रकरणामुळे खुप दुःखी आणि निराश आहोत. ही सपोर्टींग टीमचा चूक आहे हे स्पष्ट आहे.’ (हेही वाचा; Rahul Gandhi On Vinesh Phogat Disqualification: 'विनेश फोगाट ला तांत्रिक कारणावरून अपात्र ठरवण्यात आल्याची बाब दुर्दैवी'; राहुल गांधी यांची पोस्ट)

पहा पोस्ट-

लोकसभेत क्रीडामंत्र्यांनी विनेश फोगटच्या अपात्रतेबाबत निवेदन केले.आम्ही या निवेदनाचा निषेध करतो. त्यांच्या निवेदनात पदक हुकल्याबाबतच्या दुःखाचा लवलेशही नव्हता. उलट सदर खेळाडूसाठी सरकारने काय केले, कोणत्या सुविधा पुरविल्या यांची जंत्री क्रीडामंत्री वाचून दाखवत होते.हा उपकार…

— Supriya Sule (@supriya_sule) August 7, 2024

जे मोदीजी एका फोनवर युक्रेन आणि रशिया युध्द काही काळासाठी थांबवू शकतात ते विनेश फोगाटला अंतिम सामन्यात खेळण्याची संधी मिळावी यासाठी पाठपुरावा का करू शकत नाहीत ? pic.twitter.com/KakaRZhyFC

— Nationalist Congress Party - Sharadchandra Pawar (@NCPspeaks) August 7, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Aug 07, 2024 06:39 PM IST. For more news and updates on politics, world, sports, entertainment and lifestyle, log on to our website latestly.com).