PAK Beat NZ: पाकिस्तानने DLS पद्धतीने न्यूझीलंडचा केला पराभव, फखर जमानच्या ऐतिहासिक खेळीने उपांत्य फेरीच्या आशा जिंवत

आयसीसी विश्वचषक 2023 चा 35वा सामना पाकिस्तान आणि न्यूझीलंड (PAK vs NZ) यांच्यात बंगळुरूच्या एम चिन्नास्वामी स्टेडियमवर खेळला गेला. या रोमांचक सामन्यात पाकिस्तानने न्यूझीलंडचा 21 धावांनी पराभव केला आहे. तत्पूर्वी, पाकिस्तानचा कर्णधार बाबर आझमने नाणेफेक जिंकून प्रथम गोलंदाजी करण्याचा निर्णय घेतला. नाणेफेक गमावल्यानंतर प्रथम फलंदाजी करण्यासाठी आलेल्या न्यूझीलंड संघाने निर्धारित 50 षटकात 6 गडी गमावून 401 धावा केल्या. न्यूझीलंडकडून रचिन रवींद्रने 108 धावांची शानदार खेळी केली. पाकिस्तानकडून मोहम्मद वसीम ज्युनियरने सर्वाधिक तीन बळी घेतले. हा सामना जिंकण्यासाठी पाकिस्तान संघाला 50 षटकात 402 धावा करायच्या आहेत. लक्ष्याचा पाठलाग करताना पाकिस्तानची सुरुवात चांगली झाली. पावसाने व्यत्यय आणलेल्या सामन्यात पाकिस्तानने डकवर्थ लुईस पद्धतीचा वापर करून न्यूझीलंडचा 21 धावांनी पराभव केला. पाकिस्तानच्या या विजयाचा हिरो ठरला फखर जमान. फखर जमानने केवळ 81 चेंडूत 126 धावांची ऐतिहासिक खेळी केली. फखरने आपल्या शतकी खेळीत 8 चौकार आणि 11 षटकार मारले. तर बाबर आझम 66 धावांवर नाबाद राहिला. रचिन रविंद्रच्या शतकाच्या आणि कर्णधार केन विल्यमसनच्या 95 धावांच्या जोरावर न्यूझीलंडने 401 धावांचा डोंगर उभा केला होता. पंरतू फखर जमानच्या खेळी पुढे तो देखील तोकडाच वाटला. पावसामुळे खेळ दोन वेळा थांबवण्यात आला. पाकिस्तानने 25 षटकांत 1 बाद 200 धावा केल्या होत्या.

Pakistan have defeated New Zealand by 21 runs on DLS par method. pic.twitter.com/eSwq2J4Qqz

— Mufaddal Vohra (@mufaddal_vohra) November 4, 2023

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Nov 04, 2023 07:46 PM IST. For more news and updates on politics, world, sports, entertainment and lifestyle, log on to our website latestly.com).