बीसीसीआयने (BCCI) महिला आयपीएल अर्थात महिला प्रीमियर लीगच्या आयोजनाची (WPL) तयारी जवळपास पूर्ण केली आहे. खेळाडूंचा लिलाव झाला असून संघ तयार झाले आहेत. भारताची स्टार महिला खेळाडू स्मृती मांधना हिला RCB संघाने सर्वाधिक 3.4 कोटींना विकत घेतले. त्याचवेळी महिला प्रीमियर लीगशी संबंधित आणखी एक मोठी बातमी समोर आली आहे. इंडियन प्रीमियर लीग (IPL) चे हक्क मिळविल्यानंतर, टाटा समूहाने मुंबईत 4 मार्चपासून सुरू होणाऱ्या पहिल्या महिला प्रीमियर लीग (WPL) चे शीर्षक हक्क देखील संपादन केले आहेत. भारतीय क्रिकेट नियामक मंडळाचे (बीसीसीआय) सचिव जय शाह यांनी ट्विट करून ही माहिती दिली. ते म्हणाले, “मला हे घोषित करताना अत्यंत आनंद होत आहे की टाटा समूह पहिल्या WPL चे शीर्षक प्रायोजक असेल. त्यांच्या पाठिंब्याने आम्ही महिला क्रिकेटला पुढील स्तरावर नेऊ शकतो, असा आम्हाला विश्वास आहे.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)