ICC Cricket World Cup 2023 Points Table: अफगाणिस्तानच्या विजयाने पाकिस्तान वाचला! गुणतालिकेत विश्वविजेत्या संघाची स्थिती खराब, पाहा पाॅइंट टेबलची स्थिती
अफगाणिस्तान संघाने गतविजेत्याला चकित केले आणि क्रिकेट इतिहासात प्रथमच त्यांचा पराभव केला. सध्याच्या विश्वचषकातील हा सर्वात मोठा अपसेट असू शकतो. या सामन्यानंतर गुणतालिकेतही अनेक बदल झाले आहेत.
विश्वचषक 2023 चा 13 वा (ICC Cricket World Cup 2023) सामना रविवारी विश्वविजेता इंग्लंड आणि अफगाणिस्तान (ENG vs AFG) यांच्यात खेळला गेला. हा सामना अशा वळणावर संपला की कदाचित कोणी विचार केला नसेल. अफगाणिस्तान संघाने गतविजेत्याला चकित केले आणि क्रिकेट इतिहासात प्रथमच त्यांचा पराभव केला. सध्याच्या विश्वचषकातील हा सर्वात मोठा अपसेट असू शकतो. या सामन्यानंतर गुणतालिकेतही अनेक बदल झाले आहेत. पण अफगाणिस्तानच्या विजयाने पाकिस्तानला चौथे स्थान गमावण्यापासून नक्कीच वाचवले. पॉइंट टेबलबद्दल बोलायचे झाले तर भारतीय संघ शनिवारी पाकिस्तानविरुद्ध विजय मिळवून या स्पर्धेत विजयाची हॅट्ट्रिक नोंदवून अव्वल स्थानावर आहे. याशिवाय न्यूझीलंडने पहिले तीनही सामने जिंकले असून 6 गुणांसह दुसऱ्या स्थानावर आहे. भारत आणि न्यूझीलंडचे समान गुण आहेत पण मेन इन ब्लूचा नेट रन रेट चांगला आहे. पहिले दोन सामने जिंकणारा दक्षिण आफ्रिकेचा संघ तिसऱ्या स्थानावर आहे. पाकिस्तान आणि दक्षिण आफ्रिकेचे गुण समान असून पाकिस्तानी संघ चौथ्या स्थानावर आहे. तर अफगाणिस्तानने सहाव्या स्थानावर झेप घेतली आहे.
England lost their 2 game 😳
Australia slips to the bottom spot 👀#Crickettwitter #ENGvsAFG #CWC23 pic.twitter.com/kDy6VXHD5W
— Sportskeeda (@Sportskeeda) October 15, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Oct 15, 2023 11:13 PM IST. For more news and updates on politics, world, sports, entertainment and lifestyle, log on to our website latestly.com).
