Snake on Garib Rath Express: जबलपूर-मुंबई ट्रेनच्या एसी कोचमध्ये दिसला विषारी साप; प्रवाशांमध्ये घबराट, व्हिडिओ व्हायरल (Watch)
गरीब रथ एक्स्प्रेसमध्ये घडलेल्या या प्रकारामुळे प्रवाशांमधील चिंता वाढली आहे. भारतीय रेल्वेमध्ये अशा घटना फार कमी घडत असल्या तरी, जेव्हा जेव्हा अशी परिस्थिती उद्भवते तेव्हा प्रवाशांच्या सुरक्षिततेचे आणि सतर्कतेचे आव्हान समोर येते.
Snake on Garib Rath Express: जबलपूर-मुंबई गरीब रथ एक्स्प्रेसमधून एक धक्कादायक घटना समोर आली आहे. महाराष्ट्रातील कसारा रेल्वे स्थानकाजवळ रेल्वेच्या एसी डब्यात एक धोकादायक विषारी साप रेंगाळताना दिसला. साप दिसताच प्रवाशांमध्ये घबराट पसरली. सुदैवाने एकाही प्रवाशाला साप चावला नाही. इंटरनेटवर याचा एक व्हिडिओ व्हायरल झाल्यानंतर ही घटना उघडकीस आली. माहितीनुसार, 12187 जबलपूर-मुंबई गरीब रथ ट्रेनच्या G-17 कोचमधील सीट क्रमांक 23 जवळ हा साप दिसला होता. व्हिडीओमध्ये साप ट्रेनच्या छतावर जाण्याचा प्रयत्न करत असल्याचे दिसत आहे. साप दिसल्यानंतर घाबरून ट्रेनमधील प्रवाशांनी आपली जागा सोडली. त्यानंतर प्रवाशांनी तात्काळ याची माहिती रेल्वे कर्मचाऱ्यांना दिली. त्यानंतर सापाला सुखरूप बाहेर काढण्याचे प्रयत्न सुरू झाले. सर्व प्रवाशांना दुसऱ्या कोचमध्ये पाठवून G-17 कोच लॉक करण्यात आला. यानंतर रेल्वेने संबंधित डबा हटवून दुसरा डबा बसवला.
गरीब रथ एक्स्प्रेसमध्ये घडलेल्या या प्रकारामुळे प्रवाशांमधील चिंता वाढली आहे. भारतीय रेल्वेमध्ये अशा घटना फार कमी घडत असल्या तरी, जेव्हा जेव्हा अशी परिस्थिती उद्भवते तेव्हा प्रवाशांच्या सुरक्षिततेचे आणि सतर्कतेचे आव्हान समोर येते. (हेही वाचा: Snake in Toilet: टॉयलेटच्या कमोडमधून आला सापाचा आवाज, सर्पमित्राने बाहेर काढला 10 फुटांचा साप, पाहा व्हिडिओ)
जबलपूर-मुंबई ट्रेनच्या एसी कोचमध्ये दिसला विषारी साप-
Snake in train! Snake in AC G17 coach of 12187 Jabalpur-Mumbai Garib Rath Express train. Passengers sent to another coach and G17 locked. pic.twitter.com/VYrtDNgIIY
— Rajendra B. Aklekar (@rajtoday) September 22, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Sep 22, 2024 11:06 PM IST. For more news and updates on politics, world, sports, entertainment and lifestyle, log on to our website latestly.com).
