Raj Thackeray's Warning: 'अन्याय दिसेल तिथे तुमची लाथ बसलीच पाहिजे'; मुलुंड मधील घटनेनंतर राज ठाकरेंनी पुन्हा ठणकावलं
मुलुंडमध्ये एका मराठी स्त्रीला कामासाठी जागा न दिल्याने घडलेल्या प्रकारावर मनसे अध्यक्षांची प्रतिक्रिया आता समोर आली आहे.
मुंबईच्या मुलुंड भागात काही दिवसांपूर्वी एका मराठी महिलेला कामासाठी जागा नाकरल्याचा प्रकार समोर आला. तिने आपली हकिकत सोशल मीडीयात एका व्हिडिओद्वारा सांगितल्यानंतर मनसे कार्यकर्त्यांनी या महिलेला मदत केली. संबंधित सोसायटीच्या सचिवांना आपल्या शैलीत समजावल्यानंतर त्यांनी माफी मागितली. यावर ट्वीट करत राज ठाकरेंनी आज त्यांच्या कार्यकर्त्यांचे कौतुक केले. 'अन्याय दिसेल तिथे तुमची लाथ बसलीच पाहिजे' असं सांगत महाराष्ट्रात जर असा प्रकार पुन्हा घडला तर गालावर वळ उठतील हे निश्चित. असंही म्हटलं आहे. या ट्वीट मध्ये त्यांनी सरकारचाही जरा धाक हवा असं म्हणत त्यांचेही कान पिळल्याचे पहायला मिळाले आहे.
राज ठाकरे ट्वीट
मुंबईत, मुलुंडमध्ये एका मराठी स्त्रीला, ती मराठी आहे म्हणून व्यवसायासाठी जागा नाकारल्याची घटना समोर आली. इतरांनी निषेध वैगरे व्यक्त केला. आम्हाला निषेध नोंदवणं इत्यादी प्रकार माहित नाहीत. त्यामुळे माझ्या महाराष्ट्र सैनिकांनी आमच्या पद्धतीने दम दिल्यावर त्या बिल्डिंगच्या सचिवाने…
— Raj Thackeray (@RajThackeray) September 29, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Sep 29, 2023 11:54 AM IST. For more news and updates on politics, world, sports, entertainment and lifestyle, log on to our website latestly.com).
