Narayangaon Accident: पुण्यातील नारायणगावजवळ झालेल्या भीषण अपघातामध्ये 9 प्रवाशांचा मृत्यू; मृतांच्या वारसांना 5 लाख रुपये आर्थिक सहाय्य जाहीर

पुणे जिल्ह्यात, नाशिक-पुणे महामार्गावर एक भीषण अपघात झाला असून, त्यामध्ये 9 जणांचा मृत्यू झाला आहे. इथल्या नारायणगाव परिसरात शुक्रवारी सकाळी साधारण 10 वाजता झालेल्या अपघातात नऊ जणांचा मृत्यू झाल्याची माहिती एका अधिकाऱ्याने दिली. पुणे ग्रामीण पोलिसांचे एसपी पंकज देशमुख यांनी शेअर केलेल्या अधिक माहितीनुसार, टेम्पोने एका गाडीला मागून धडक दिल्याने हा अपघात झाला. अहवालानुसार, एक मिनीव्हॅन नारायणगावकडे जात असताना पाठीमागून एका टेम्पोने वाहनाला धडक दिली व त्यानंतर ती रस्त्याच्या कडेला उभ्या असलेल्या रिकाम्या बसवर जाऊन आदळली. या अपघातामध्ये मिनीव्हॅनमधील सर्व नऊ प्रवासी ठार झाले.

या भीषण अपघातात चार महिला, चार पुरुष आणि एका लहान मुलाचा जागीच मृत्यू झाला. अन्य तिघे जखमी आहेत. जखमींना उपचारासाठी रुग्णालयात दाखल करण्यात आले आहे. जखमींपैकी काहींची प्रकृती चिंताजनक असल्याची माहिती पुणे प्रशासनाने दिली. यामुळे मृतांचा आकडा वाढण्याची शक्यता आहे. या अपघातानंतर मुख्यमंत्री देवेंद्र फडणवीस यांनी मृतांबद्दल शोक व्यक्त केला आहे. त्यांनी सांगितले की, मृतांच्या वारसांना 5 लाख रुपये आर्थिक सहाय्य मुख्यमंत्री सहायता निधीतून करण्यात येईल. जखमींच्या उपचाराची योग्य काळजी घ्या, असे त्यांनी पुणे पोलीस अधीक्षक यांना सांगितले आहे. (हेही वाचा: Accident On Chakan-Shikrapur Highway: चाकण-शिक्रापूर महामार्गावर मद्यधुंद चालकाने 25 ते 30 वाहनांना कंटेनरने चिरडले, 4 जणांचा मृत्यू)

नारायणगावजवळ भीषण अपघात-

पुणे-नाशिक महामार्गावर नारायणगाव जवळ झालेल्या भीषण अपघातात 9 कामगारांचा मृत्यू झाल्याची घटना अतिशय दुर्दैवी आहे. मी त्यांना भावपूर्ण श्रद्धांजली अर्पण करतो. त्यांच्या कुटुंबियांच्या दुःखात आम्ही सहभागी आहोत.

जखमींच्या प्रकृतीत लवकर सुधारणा व्हावी, अशी प्रार्थना करतो.

मृतांच्या…

— Devendra Fadnavis (@Dev_Fadnavis) January 17, 2025

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Jan 17, 2025 01:23 PM IST. For more news and updates on politics, world, sports, entertainment and lifestyle, log on to our website latestly.com).