महाराष्ट्र

Mumbai Heavy Pre-Monsoon Rains: उष्णतेच्या लाटेनंतर मुंबई, ठाणे आणि परिसरात मुसळधार मान्सून पूर्व पावसाला सुरुवात; तापमानात झाली मोठी घट (Videos)

पश्चिमी वादळ प्रणाली (Western Disturbance) आणि अरबी समुद्रातून येणाऱ्या बाष्पयुक्त वाऱ्यांमुळे मुंबईत मेघगर्जनेसह आणि विजांच्या कडकडाटासह पाऊस पडत आहे. हवामान खात्याने 8 आणि 9 मे रोजीही हलक्या ते मध्यम पावसाचा अंदाज वर्तवला आहे.

Prashant Joshi | Published: May 07, 2025 05:36 PM IST
Mumbai Heavy Pre-Monsoon Rains: उष्णतेच्या लाटेनंतर मुंबई, ठाणे आणि परिसरात मुसळधार मान्सून पूर्व पावसाला सुरुवात; तापमानात झाली मोठी घट (Videos)
Photo Credit : X

मुंबई, ठाणे आणि नवी मुंबईसह मुंबई महानगर क्षेत्रात (MMR) तीव्र उष्णतेच्या लाटेनंतर सध्या अनपेक्षितपणे मान्सूनपूर्व पाउस सुरु आहे. भारतीय हवामान खात्याने (IMD) यापूर्वीच मे महिन्यासाठी उष्णतेच्या लाटेचा इशारा दिला होता, ज्यामुळे तापमान 39 डिग्री सेल्सियसच्या पुढे गेले होते. मात्र, पश्चिमी वादळ प्रणाली (Western Disturbance) आणि अरबी समुद्रातून येणाऱ्या बाष्पयुक्त वाऱ्यांमुळे मुंबईत मेघगर्जनेसह आणि विजांच्या कडकडाटासह पाऊस पडत आहे. हवामान खात्याने 8 आणि 9 मे रोजीही हलक्या ते मध्यम पावसाचा अंदाज वर्तवला आहे.

6 मे 2025 च्या संध्याकाळपासूनच मुंबईत पावसाला सुरुवात झाली. 7 मे रोजी बोरिवली, दहिसर, अंधेरी, मुलुंड, भांडुप आणि घाटकोपरसह पश्चिम आणि पूर्व उपनगरांमध्ये मध्यम ते जोरदार पाऊस पडला. ठाणे, कल्याण-डोंबिवली, नवी मुंबई आणि वसई-विरार येथेही विजांच्या कडकडाटासह पावसाच्या सरी कोसळल्या. स्थानिक हवामान तज्ज्ञांनी सांगितले की, या पावसामुळे तापमानात 8-10 डिग्री सेल्सियसने घट झाली. आयएमडीच्या मुंबई विभागाचे संचालक सुनील कांबळे यांनी सांगितले की, मे महिन्यात असा पाऊस दुर्मीळ आहे, परंतु हवामानातील बदलांमुळे अशा अनपेक्षित घटना घडत आहेत. आयएमडीने मुंबई, ठाणे आणि पालघरसाठी ‘यलो अलर्ट’ जारी केला आहे. (हेही वाचा: Fire Safety Guidelines: मुंबईत वाढत्या उष्णतेच्या लाटेदरम्यान BMC ने जारी केली अग्निसुरक्षा मार्गदर्शक तत्त्वे; नागरिकांना सूचनांचे पालन करण्याचे आवाहन)

Mumbai Heavy Pre-Monsoon Rains:

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on May 07, 2025 05:36 PM IST. For more news and updates on politics, world, sports, entertainment and lifestyle, log on to our website latestly.com).

Related Topics

Mumbai Heavy Pre-Monsoon Rains Thane Rains Navi Mumbai rains Pre-Monsoon Rains Mumbai Rains