Coldplay Mumbai Concert: कोल्डप्ले कॉन्सर्टबाबत BookMyShow वर तिकिटांचा काळाबाजार करण्याचा कट रचल्याचा आरोप; EOW ने सीइओआणि अधिकाऱ्यांना बजावले समन्स
व्यास यांनी आधीच आर्थिक गुन्हे शाखेला निवेदन नोंदवले आहे. त्यामध्ये आरोप आहे की, बुकमायशो जाणीवपूर्वक सामान्य जनता आणि कोल्डप्लेच्या चाहत्यांची फसवणूक करण्यासाठी फसव्या क्रियाकलापांमध्ये गुंतले आहे.
Coldplay Mumbai Concert: मुंबई पोलिसांच्या आर्थिक गुन्हे शाखेने (EOW) बुकमायशोचे (BookMyShow) मुख्य कार्यकारी अधिकारी आशिष हेमराजानी, संचालिका शमिता घोष आणि उपाध्यक्ष अनिल माखिजा यांना समन्स बजावले आहे. वकील अमित व्यास यांनी दाखल केलेल्या तक्रारीनंतर हे समन्स बजावले असून, तिकिट प्लॅटफॉर्मवर आगामी कोल्डप्ले कॉन्सर्टच्या शोच्या तिकीटांचा काळाबाजार करण्याचा कट रचला असल्याचा आरोप करण्यात आला आहे. आर्थिक गुन्हे शाखेच्या सूत्रांनी सांगितले की, ‘आम्ही तक्रारीच्या आधारे तपास सुरू केला आहे आणि इतर वेबसाइटवर तिकीट विकण्यात गुंतलेल्या तृतीय-पक्ष कंपन्यांसह सर्व संबंधित व्यक्तींचे स्टेटमेंट रेकॉर्ड करू.’
व्यास यांनी आधीच आर्थिक गुन्हे शाखेला निवेदन नोंदवले आहे. त्यामध्ये आरोप आहे की, बुकमायशो जाणीवपूर्वक सामान्य जनता आणि कोल्डप्लेच्या चाहत्यांची फसवणूक करण्यासाठी फसव्या क्रियाकलापांमध्ये गुंतले आहे. फसवणूक केल्याप्रकरणी कंपनीविरुद्ध प्रथम माहिती अहवाल (एफआयआर) नोंदवण्याची मागणी ते करत आहेत. कोल्डप्लेची तिकिटे प्रथम येणाऱ्यास प्राधान्य या तत्त्वावर विकली जाणार होती, मात्र बुक माय शोने काळाबाजारात गुंतलेल्या एजंट्ससाठी विशेष लिंक्स तयार केल्या, ज्यामुळे त्यांना तिकिटांसाठी वाढीव किमती आकारता आल्या. या प्रकारामुळे अनेक चाहत्यांना आहे त्या किंमतीमध्ये तिकिटे विकत घेता आली नाहीत. (हेही वाचा: Coldplay Mumbai Concert 2025: कोल्डप्ले कॉन्सर्टबाबत BookMyShow ने केली 500 कोटी रुपयांची फसवणूक; भारतीय जनता युवा मोर्चाचा आरोप, तक्रार दाखल)
कोल्डप्ले कॉन्सर्टबाबत बुकमायशोवर तिकिटांचा काळाबाजार करण्याचा कट रचल्याचा आरोप-
Mumbai Police's EOW summoned CEO Ashish Hemrajani of Big Tree Entertainment Private Limited, the parent company of BookMyShow and the company's technical head. EOW sent summons to both of them to appear before the investigating officer tomorrow and record their statements.…
— ANI (@ANI) September 27, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Sep 27, 2024 10:55 PM IST. For more news and updates on politics, world, sports, entertainment and lifestyle, log on to our website latestly.com).
