Adarsh School Badlapur Sexual Assault Case: अक्षय शिंदेला मारणाऱ्या पोलिसाला 51 हजार रुपयांचे बक्षीस जाहीर; शिवसेना नेते Mahesh Gaikwad यांची घोषणा

Adarsh School Badlapur Sexual Assault Case: महाराष्ट्रातील बदलापूर येथील आदर्श शाळेतील दोन मुलींवर लैंगिक अत्याचार करणारा गुन्हेगार अक्षय शिंदे सोमवारी पोलीस चकमकीत ठार झाला. सोमवारी पोलीस त्याला तळोजा कारागृहातून बदलापूरला चौकशीसाठी घेऊन जात असताना त्याने पोलीस अधिकाऱ्याचे पिस्तूल हिसकावून गोळीबार केला. यानंतर पोलीस निरीक्षकाच्या प्रत्युत्तरादाखल केलेल्या कारवाईत अक्षय शिंदे ठार झाला. अक्षय शिंदेला गोळ्या घालणाऱ्या पोलीस अधिकाऱ्याला शिवसेनेच्या एका नेत्याने मंगळवारी 51,000 रुपयांचे रोख बक्षीस जाहीर केले होते.

ठाण्यातील मुंब्रा बायपासजवळ सोमवारी सायंकाळी आरोपीने पोलिसांवर गोळीबार केल्याने आत्मसंरक्षणार्थ अक्षयवर गोळीबार करणाऱ्या सहायक पोलीस निरीक्षक नीलेश मोरे यांचे सेनेचे कल्याण पूर्व शहराध्यक्ष महेश गायकवाड यांनी अभिनंदन केले. तसेच निलेश मोरे यांना शिवसेना कल्याण पूर्वेच्या वतीने 51 हजार रुपयांचे बक्षीसदेखील देण्यात आले. महाराष्ट्र पोलिसांच्या या कारवाईमुळे राज्यभरातील अनेकजण खूश आहेत. विशेषत: बदलापूरमध्ये या चकमकीबद्दल लोकांना आनंद झाला आणि त्यांनी अनेक ठिकाणी आनंदोत्सव साजरा केला. तसेच पोलिसांच्या कारवाईचे समर्थन केले. कल्याण शहरातही आज शिवसेनेच्या कार्यकर्त्यांनी आरोपीच्या एन्काउंटरवर आनंदोत्सव साजरा केला. (हेही वाचा: Adarsh School Badlapur Sexual Assault Case: 'माझा मुलगा बंदूक हिसकावू शकत नाही'; अक्षय शिंदेच्या मृत्यूवर आई-वडिलांची प्रतिक्रिया)

अक्षय शिंदेची हत्या करणाऱ्या पोलिसाला 51 हजार रुपयांचे बक्षीस जाहीर-

#BadlapurEncounter | Shiv Sena leader announces Rs 51,000 reward for cop who gunned down #AkshayShinde

Know more https://t.co/KpcopNTHCl #Thane #BadlapurCase pic.twitter.com/cdYf8RYT1v

— The Times Of India (@timesofindia) September 24, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Sep 24, 2024 05:44 PM IST. For more news and updates on politics, world, sports, entertainment and lifestyle, log on to our website latestly.com).