UP Shocker: लज्जास्पद! उत्तर प्रदेशातील लखीमपूर खेरीमध्ये 11 वर्षांच्या मुलाची मगरीशी यशस्वी झुंज; हॉस्पिटलमध्ये चक्क बेंचवर केले उपचार (Viral Video)

उत्तर प्रदेशातून आरोग्य विभागाला लाजवेल अशी एक संतापजनक घटना समोर आली आहे. राज्यातील लखीमपूर खेरी जिल्ह्यात एका मुलाने न घाबरता मगरीशी झुंज देत अतुलनीय शौर्य दाखवले. काही मिनिटे तो मगरीच्या तावडीतून स्वतःचा जीव वाचवण्यासाठी धडपडत राहिला. या झटापटीत त्याला आपला एक हात गमवावा लागला. त्यानंतर बालकाला उपचारासाठी निघासन सामुदायिक आरोग्य केंद्रात नेले. या ठिकाणी त्याच्यावर चक्क बसण्यासाठी असलेल्या बेंचवर उपचार करण्यात आले. या घटनेचा एक व्हिडिओ समोर आला असून, त्यामध्ये दिसत आहे की मुलगा बेंचवर झोपला असून, त्याला तिथेच सलाईन चढवले जात आहे. मुलाची प्रकृती चिंताजनक असल्याने डॉक्टरांनी त्याला पुढील उपचारासाठी जिल्हा रुग्णालयात पाठवले आहे.

माहितीनुसार, 11 वर्षीय मुलगा संकित कुमार शुक्रवारी (28 जून) आपल्या आईसोबत गवत गोळा करण्यासाठी गावाबाहेर गेला होता. संकित तलावाजवळ पोहोचताच पाण्यात लपलेल्या एका मोठ्या मगरीने त्याला पकडले. हे पाहून संकितच्या आईला धक्काच बसला आणि ती जोरजोरात ओरडू लागली. तिने मगरीला काठीने मारहाण करण्याचाही प्रयत्न केला, मात्र मगरीने संकितला तलावात ओढणे सुरूच ठेवले. संकित मात्र सर्व शक्तीनिशी मगरीशी लढत राहिला. त्यानंतर आईचा आरडाओरडा ऐकून काही लोक तेथे आले आणि त्यांनी कसे तरी मगरीच्या जबड्यातून संकेतची सुटका केली. तोपर्यंत मगरीने संकितचा डावा हात चावला होता. (हेही वाचा: बुलंदशहरमध्ये 6 यूट्यूबर्सनी रील बनवण्यासाठी रिक्रिएट केला शाहरुख खानचा 'जवान' लूक; पोलिसांकडून अटक)

पहा व्हिडिओ- 

लखीमपुर खीरी जिले में एक बच्चा बहादुरी की मिसाल पेश करते हुए बिना डरे मगरमच्छ से लड़ गया,हालांकि कई मिनट तक मगरमच्छ से लड़ाई में बच्चे को अपना एक हांथ गंवाना पड़ा,वहीं बच्चा जब इलाज के लिए निघासन सामुदायिक स्वास्थ्य केंद्र पहुंचा तो सिस्टम से हार गया, वहां बच्चे का इलाज बैठने के… pic.twitter.com/R9o5iFpV11

— Shiva Gupta शिवा गुप्ता (@shivagu31125812) June 29, 2024

(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)

(The above story first appeared on LatestLY on Jun 29, 2024 11:06 PM IST. For more news and updates on politics, world, sports, entertainment and lifestyle, log on to our website latestly.com).