Ola Showroom Fire: कर्नाटकातील कलबुर्गीमध्ये नाराज ग्राहकाने ईव्ही शोरूमला लावली आग; व्हिडिओ व्हायरल (Watch)
नदीमने 20 दिवसांपूर्वी शोरूममधून ओला स्कूटर खरेदी केली होती, परंतु त्याला वारंवार समस्या येत होत्या. त्याने वारंवार भेट देऊनही शोरूमच्या कर्मचाऱ्यांनी समस्या सोडवली नाही
Ola Showroom Fire: कर्नाटकातील कलबुर्गी येथे एका व्यक्तीने इलेक्ट्रिक शोरूमला आग लावण्याची घटना समोर आली आहे. मोहम्मद नदीम असे या व्यक्तीचे नाव असून, त्याला त्याच्या नवीन इलेक्ट्रिक स्कूटरसाठी योग्य ग्राहक सेवा मिळत नसल्याच्या रागात त्याने हे पाऊल उचलल्याचे सांगण्यात येत आहे. या व्यक्तीने महिन्याभरापूर्वी 1.4 लाख रुपयांची ओला ई-स्कूटर खरेदी केली होती. पण एक-दोन दिवसांनी त्यामध्ये समस्या निर्माण होऊ लागल्या. तो अनेकवेळा शोरूममध्ये गेला, मात्र स्कूटरच्या समस्यांचे निराकरण झाले नाही. त्यानंतर त्याने संतापून शोरूमला आग लावली. या घटनेचे व्हिडिओ सोशल मीडियावर व्हायरल होत आहे.
एका वरिष्ठ पोलीस अधिकाऱ्याच्या म्हणण्यानुसार, ‘नदीमने 20 दिवसांपूर्वी शोरूममधून ओला स्कूटर खरेदी केली होती, परंतु त्याला वारंवार समस्या येत होत्या. त्याने वारंवार भेट देऊनही शोरूमच्या कर्मचाऱ्यांनी समस्या सोडवली नाही. यानंतर कर्मचाऱ्यांच्या निष्काळजीपणाला कंटाळून त्याने मंगळवारी शोरूममध्ये पेट्रोल ओतून पेटवून दिले. याप्रकरणी कलबुर्गी चौक पोलिसांनी गुन्हा दाखल केला असून आरोपीला चौकशीसाठी ताब्यात घेतले आहे. या आगीच्या घटनेत सुमारे 6 इलेक्ट्रिक स्कूटर जळून खाक झाल्या आहेत. भारतातील सर्वात मोठ्या इलेक्ट्रिक टू-व्हीलर उत्पादक कंपनीच्या शोरूममध्ये आग लागण्याची ही दुसरी घटना आहे. (हेही वाचा: Maruti Suzuki Recalls 2,555 Alto K10: मारुती सुझुकीने परत मागवल्या 2,555 अल्टो के 10 गाड्या; जाणून घ्या कारण)
Karnataka: A customer set an Ola showroom in Kalaburagi on fire after facing issues with the ongoing service of his new bike.
Following a verbal argument with the showroom owner yesterday evening, he set the showroom on fire. A case has been registered at Kalaburagi Chowk… pic.twitter.com/AItGyakP4f
— IANS (@ians_india) September 11, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Sep 11, 2024 04:54 PM IST. For more news and updates on politics, world, sports, entertainment and lifestyle, log on to our website latestly.com).
