New Delhi Station Stampede: नवी दिल्ली रेल्वे स्थानकावर झालेल्या चेंगराचेंगरीत 14 महिलांसह 18 जणांचा मृत्यू; महाकुंभला जाण्यासाठी झाली होती गर्दी
प्रयागराज महाकुंभाला जाण्यासाठी हजारो भाविक स्टेशनवर पोहोचले होते आणि ट्रेनमध्ये चढण्याचा प्रयत्न करत असताना रात्री 10 वाजताच्या सुमारास प्लॅटफॉर्म 13 आणि 14 वर चेंगराचेंगरी झाली.
शनिवारी रात्री नवी दिल्ली येथे एक दुर्दैवी घटना घडली. दिल्ली रेल्वे स्थानकावर चेंगराचेंगरी झाली व यामध्ये तीन मुलांसह अठरा जणांचा मृत्यू झाला आणि अनेक जण जखमी झाले. जखमींवर उपचार सुरू असून त्यांची प्रकृती स्थिर असल्याचे सांगण्यात येत आहे. मृतांमध्ये बहुतेक महिला आणि मुलांचा समावेश आहे. मृतांपैकी बहुतेक बिहारमधील आहेत आणि त्यांची संख्या नऊ असल्याचे सांगितले जात आहे. मृतांमध्ये आठ जण दिल्लीचे आणि एक हरियाणाचा होता. प्रयागराज महाकुंभाला जाण्यासाठी हजारो भाविक स्टेशनवर पोहोचले होते आणि ट्रेनमध्ये चढण्याचा प्रयत्न करत असताना रात्री 10 वाजताच्या सुमारास प्लॅटफॉर्म 13 आणि 14 वर चेंगराचेंगरी झाली. पंतप्रधान मोदी, संरक्षण मंत्री राजनाथ सिंह आणि दिल्लीचे उपराज्यपाल व्हीके सक्सेना यांनी अपघाताबद्दल शोक व्यक्त केला आहे.
रेल्वे बोर्डाचे कार्यकारी संचालक (माहिती आणि प्रसिद्धी) दिलीप कुमार यांनी रविवारी सांगितले की, नवी दिल्ली रेल्वे स्थानकावरील चेंगराचेंगरीची चौकशी करण्यासाठी आणि घटनेमागील कारणे शोधण्यासाठी दोन सदस्यांची उच्चस्तरीय समिती स्थापन करण्यात आली आहे. त्याच वेळी, नवी दिल्ली रेल्वे स्टेशन घटनेत बाधित झालेल्या लोकांसाठी भरपाईची घोषणा करण्यात आली आहे आणि भरपाईचे वाटपही केले जात आहे. (हेही वाचा: नवी दिल्ली रेल्वे स्थानकावर नेमकं काय झालं? पहा Deputy Commissioner of Police (DCP) Railway यांनी दिलेली माहिती)
New Delhi Station Stampede:
18 people including 14 women lost their lives in the stampede that occurred yesterday around 10 PM at New Delhi Railway station: Delhi Police
— ANI (@ANI) February 16, 2025
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Feb 16, 2025 08:29 AM IST. For more news and updates on politics, world, sports, entertainment and lifestyle, log on to our website latestly.com).
