LIC's Net Income: डिसेंबरच्या तिमाहीमध्ये 'एलआयसी'च्या निव्वळ नफ्यामध्ये 8334 कोटी इतकी वाढ
गुंतवणुकीतून एलआयसीचे निव्वळ उत्पन्न वार्षिक 11 टक्क्यांनी वाढून 84,889 कोटी रुपये झाले आहे, जे मागील वर्षीच्या याच कालावधीत 76,574 कोटी रुपये होते.
भारतीय आयुर्विमा महामंडळाने (LIC) डिसेंबर तिमाहीची आकडेवारी जाहीर केली आहे. आयुर्विमा महामंडळाच्या म्हणण्यानुसार, या कालावधीत त्यांचा निव्वळ नफा 8334 कोटी इतका वाढला आहे. गेल्या वर्षी याच तिमाहीत कंपनीचा नफा 235 कोटी रुपये होता. जुलै ते सप्टेंबर या तिमाहीत, विमा कंपनीचा निव्वळ नफा 15952 कोटी रुपये होता. त्याच वेळी, एप्रिल ते जून या तिमाहीत विमा कंपनीचा निव्वळ नफा 682.9 कोटी रुपये होता. डिसेंबर तिमाहीत कंपनीचे निव्वळ प्रीमियम उत्पन्न वाढून 1.11 लाख कोटी झाले आहे. मागील वर्षीच्या याच तिमाहीत ते 97,620 कोटी रुपये होते. गुंतवणुकीतून एलआयसीचे निव्वळ उत्पन्न वार्षिक 11 टक्क्यांनी वाढून 84,889 कोटी रुपये झाले आहे, जे मागील वर्षीच्या याच कालावधीत 76,574 कोटी रुपये होते. निकाल जाहीर होण्यापूर्वी बीएसईवर एलआयसीचे शेअर्स 0.53% वाढून 613.35 रुपयांवर बंद झाले. गेल्या चार दिवसांपासून एलआयसीच्या शेअर्समध्ये तेजी दिसून येत आहे.
LIC's net income jumps to Rs 8,334.2 crore in Q3 against Rs 235 crore a year ago: Filing
— Press Trust of India (@PTI_News) February 9, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Feb 09, 2023 10:07 PM IST. For more news and updates on politics, world, sports, entertainment and lifestyle, log on to our website latestly.com).
