Delhi Court Grants Bail to Arvind Kejriwal: दिल्लीचे मुख्यमंत्री अरविंद केजरीवाल यांना मोठा दिलासा; दिल्ली न्यायालयाकडून दारू घोटाळ्याशी संबंधित मनी लाँड्रिंग प्रकरणात जामीन मंजूर
या आदेशाला उच्च न्यायालयात आव्हान देता यावे म्हणून ईडीने जामीन बाँडवर स्वाक्षरी करण्यासाठी 48 तासांचा अवधी द्यावा, अशी विनंती न्यायालयाला केली. त्यावर न्यायमूर्तींनी या आदेशाला स्थगिती दिली जाणार नाही, असे सांगितले.
Delhi Court Grants Bail to Arvind Kejriwal: दिल्लीचे मुख्यमंत्री अरविंद केजरीवाल यांना गुरुवारी मोठा दिलासा मिळाला आहे. मनी लाँड्रिंग प्रकरणात त्यांना राऊस ॲव्हेन्यू कोर्टातून जामीन मिळाला. न्यायालयाने एक लाख रुपयांच्या जातमुचलक्यावर जामीन मंजूर केला आहे. अरविंद केजरीवाल हे मनी लाँड्रिंग प्रकरणात तुरुंगात होते. मात्र, लोकसभा निवडणुकीच्या वेळी त्यांना 21 दिवसांचा जामीन मिळाला होता. निवडणूक संपताच ते 2 जूनला पुन्हा तुरुंगात गेले. मात्र आता 18 दिवसांनी त्यांना नियमित जामीन मिळाला आहे. एक लाख रुपयांच्या जातमुचलक्यावर त्यांना जामीन मंजूर करण्यात आल्याचे सांगण्यात येत आहे. दिल्ली दारू धोरण प्रकरणी अरविंद केजरीवाल यांना अटक करण्यात आली होती. केजरीवाल यांच्या वकिलाने राऊस एव्हेन्यू कोर्टात जामीन अर्ज दाखल केला होता. या जामीन अर्जावर 20 जून रोजी सलग दुसऱ्या दिवशी राऊस ॲव्हेन्यू कोर्टात सुनावणी झाली.
या आदेशाला उच्च न्यायालयात आव्हान देता यावे म्हणून ईडीने जामीन बाँडवर स्वाक्षरी करण्यासाठी 48 तासांचा अवधी द्यावा, अशी विनंती न्यायालयाला केली. त्यावर न्यायमूर्तींनी या आदेशाला स्थगिती दिली जाणार नाही, असे सांगितले. यापूर्वी बुधवारी झालेल्या सुनावणीदरम्यान अंमलबजावणी संचालनालयाने दावा केला होता की, अरविंद केजरीवाल यांनी दारू धोरणासाठी 100 कोटी रुपयांची लाच मागितली होती. (हेही वाचा: Pro-tem Speaker of Lok Sabha: लोकसभेचे सदस्य Bhartruhari Mahtab यांची प्रोटेम स्पीकर म्हणून नियुक्ती)
पहा पोस्ट-
Delhi excise policy case | Rouse Avenue court allows the bail application of CM Arvind Kejriwal and grants bail to him on a bail bond of Rs 1 lakh
(File photo) pic.twitter.com/kAsqVTYVtu
— ANI (@ANI) June 20, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Jun 20, 2024 08:33 PM IST. For more news and updates on politics, world, sports, entertainment and lifestyle, log on to our website latestly.com).
