IC 814- The Kandahar Hijack: वेब सिरीज 'IC-814 द कंदहार हायजॅक'मध्ये जोडली जाणार अपहरणकर्त्यांची खरी नावे; जनतेच्या रोषापुढे Netflix झुकले
या सिरीजमध्ये 1999 मध्ये पाकिस्तानस्थित दहशतवादी संघटना हरकत-उल-मुजाहिदीनने केलेल्या, इंडियन एअरलाइन्सच्या IC-814 विमानाच्या अपहरणाची कथा मांडली आहे. मात्र ही सिरीज रिलीज झाल्यावर अनेक लोकांनी आरोप केला की, सिरीजच्या निर्मात्यांनी यातील दोन अपहरणकर्त्यांची नावे बदलली आहेत.
कंदाहार हायजॅकवरील नवीन वेब सिरीज 'IC 814 - The Kandahar Hijack' संदर्भात सुरू असलेल्या वादाच्या पार्श्वभूमीवर, नेटफ्लिक्सने एक निवेदन जारी केले आहे. आता विमान अपहरण करणाऱ्या दहशतवाद्यांची खरी नावेही सिरीजच्या डिस्क्लेमरमध्ये लिहिली जाणार आहेत. नेटफ्लिक्सने भारत सरकारच्या अधिका-यांच्या भेटीनंतर हा निर्णय घेतला आहे. या मालिकेबाबत सुरू असलेल्या वादाच्या पार्श्वभूमीवर माहिती आणि प्रसारण मंत्रालयाने नेटफ्लिक्स इंडियाच्या कंटेंट हेड मोनिका शेरगिल यांना समन्स बजावले होते. या बैठकीनंतर नेटफ्लिक्स इंडियाने आपल्या निवेदनात म्हटले आहे की, ‘1999 च्या इंडियन एअरलाइन्स फ्लाइट 814 च्या अपहरणाशी परिचित नसलेल्या दर्शकांच्या फायद्यासाठी, आम्ही अपहरणकर्त्यांची खरी आणि कोड नावे सुरुवातीच्या डिस्क्लेमरमध्ये जोडली आहेत.’
त्यानंतर याबाबतचा वाढू लागला. त्यानंतर नेटफ्लिक्सची कंटेंट हेड मोनिका शेरगिलला केंद्रीय माहिती आणि प्रसारण मंत्रालयाने समन्स बजावले. देशातील जनतेच्या भावना दुखावण्याचा कोणालाही अधिकार नाही, असे मंत्रालयाने 2 सप्टेंबर रोजी म्हटले होते. भारताच्या संस्कृतीचा आणि सभ्यतेचा आदर नेहमीच आहे. काहीही चुकीचे दाखवण्यापूर्वी विचार करायला हवा. याबाबत सरकार अत्यंत कडक आहे, असा इशारा सरकारने नेटफ्लिक्सला दिला होता. (हेही वाचा: Emergency Release Date Postponed: कंगना राणौतच्या 'इमर्जन्सी' चित्रपटाची रिलीज डेट पुढे ढकलले)
वेब सिरीज 'IC-814 द कंदहार हायजॅक'मध्ये जोडली जाणार अपहरणकर्त्यांची खरी नावे-
VIDEO | Netflix India on Tuesday said it has updated the opening disclaimer of its latest series "IC814: The Kandahar Hijack", which has courted controversy over its depiction of hijackers' code names.
Reading out the official statement while quoting Monika Shergill, Vice… pic.twitter.com/mHKScz8h1k
— Press Trust of India (@PTI_News) September 3, 2024
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on Sep 03, 2024 06:15 PM IST. For more news and updates on politics, world, sports, entertainment and lifestyle, log on to our website latestly.com).
