यंदा भारत आपल्या स्वातंत्र्याचा 75 वा वर्धापन दिन साजरा करत आहे. हा दिवस मोठ्या उत्साहात साजरा करण्याच्या तयारीत देश गुंतला आहे. या पार्श्वभुमीवर पंतप्रधान नरेंद्र मोदी यांनी सर्व लोकांना ‘हर घर तिरंगा’ मोहिमेत सहभागी होण्याचे आवाहन केले आहे. हा राष्ट्रीय स्तरावर साजऱ्या होणाऱ्या आझादी का अमृत महोत्सवाचा एक भाग आहे. लोकांना घरोघरी तिरंगा फडकवण्यासाठी प्रवृत्त करणे हा या मोहिमेचा उद्देश आहे. त्यात 11 ऑगस्टला देशात रक्षाबंधनचा सण साजरा होणार आहे. अशात सरकारने रक्षाबंधन दिवशी ‘तिरंगा बंधन’ साजरा करण्याचे आवाहन केले आहे.

रक्षाबंधन आणि स्वातंत्र्य दिनाच्या आधी, भारताच्या सांस्कृतिक मंत्रालयाने 'तिरंगा बंधन' या विचारसरणीचा प्रचार करण्यासाठी सोशल प्लॅटफॉर्मवर एक नवीन व्हिडिओ लॉन्च केला आहे. ही जाहिरात भाऊ-बहिणीचे नाते दर्शवते, जिथे मुलगी आपल्या भावाला तसेच भारतीय ध्वजाला राखी बांधते. भारतीय ध्वजाला राखी बांधून देशप्रेमाची भावना वाढीस लागावी, आपल्या भारतीय जवानांचे स्मरण व्हावे, ही या व्हिडीओमागील संकल्पना आहे.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)