Hair Lss Reversing Medicine: टक्कल आणि केस गळतीवर 20 रुपयांमध्ये रामबाण औषध? यूपीच्या मेरठमध्ये दोन तरुणांचा दावा, तेल घेण्यासाठी जमली तोबा गर्दी (Video)
बिजनौरच्या दोन तरुणांनी लिसाडी गेट येथे असलेल्या समर गार्डनमध्ये कॅम्प लावला आणि तिथे ते केस वाढवणारे तेल विकत होते. औषध देण्यासाठी 20 रुपये आकारले जात होते, याशिवाय 300 रुपये किमतीची तेलाची बाटलीही देण्यात येत होती.
Hair Lss Reversing Medicine: केस गळणे (Hair Loss) आणि टक्कल पडणे या समस्येमुळे बरेच लोक खूप चिंतेत असतात. यासाठी लोक विविध प्रकारचे उपचार घेतात. काही लोकांना उपचाराचा फायदा होतो, मात्र असे अनेक लोक आहेत ज्यांना अनेक डॉक्टर आणि उपचार करूनही फायदा होत नाही. केसांबद्दलची लोकांची चिंता लक्षात घेऊन, अनेक कंपन्या केस गळती थांबवणारे आणि टक्कल पडणे दूर करणारे तेल आणि शॅम्पू विकत आहेत. लोकांच्या या केसांच्या काळजीचा फायदा घेत, पश्चिम उत्तर प्रदेशातील मेरठमध्ये (Meerut) केसांची समस्या सोडवण्याचा दावा करणाऱ्या दोन तरुणांनी एक कॅम्प लावला होता. सध्या हा कॅम्प चर्चेचा विषय ठरला आहे.
या कॅम्पमध्ये औषध घेण्यासाठी मोठ्या प्रमाणावर गर्दी जमली होती. यावरून आपण समजू शकतो की लोक केसांच्या समस्यांबद्दल किती चिंतित आहेत. याचा एक व्हिडीओ सोशल मिडियावर व्हायरल होत आहे.
अहवालानुसार, बिजनौरच्या दोन तरुणांनी लिसाडी गेट येथे असलेल्या समर गार्डनमध्ये कॅम्प लावला आणि तिथे ते केस वाढवणारे तेल विकत होते. औषध देण्यासाठी 20 रुपये आकारले जात होते, याशिवाय 300 रुपये किमतीची तेलाची बाटलीही देण्यात येत होती. केसांशी संबंधित सर्व प्रकारच्या समस्या घेऊन लोक त्याच्या कॅम्पमध्ये पोहोचले होते.
टक्कल आणि केस गळतीवर 20 रुपयांमध्ये रामबाण औषध-
20 रुपए में गंजेपन का इलाज..पहुंच गई हजारों की भीड़
गंजेपन के इलाज का सोशल मीडिया पर एक वीडियो वायरल हुआ कि मात्र 20 रुपए में गंजेपन का सटीक इलाज किया जाएगा. वीडियो वायरल होते ही रविवार सुबह वायरल वीडियो में बताए गए एड्रेस पर गंजे लोगों की भीड़ लग गई. उनके सिर पर विशेष दवाई लगा… pic.twitter.com/ilh0d0j0Ry
— Yug (@mittal68218) December 16, 2024
यामुळे या ठिकाणी गर्दी इतकी वाढली की लोकांना टोकन देऊन रांगेत उभे केले गेले. गदारोळ झाला, पण पोलीस-प्रशासनाच्या पथकाला त्याची जाणीवही नव्हती. आता हे प्रकरण चांगलेच तापले आहे. याबाबत गेल्या आठवडाभरापासून प्रचार सुरू होता. मेरठमध्ये रविवार आणि सोमवारी औषधाची नियुक्ती निश्चित करण्यात आली होती. केस वाढण्यासाठीचे औषध घेण्यासाठी रविवारी सकाळपासूनच शौकत बँक्वेट हॉलमध्ये लोकांची गर्दी होऊ लागली. (हेही वाचा: New Weight-Loss Injectable Drugs: वजन कमी करणारी Tirzepatide औषधे, नवी आशा की केवळ प्रसिद्धीचा डंका? भारतात प्रतिसाद कसा? घ्या जाणून)
लोकांची ही रांग रस्त्यावर आली. त्यामुळे ठप्पसारखी परिस्थिती निर्माण झाली होती. रस्ता जाम झाला होता. घटनास्थळी गोंधळाचे वातावरण होते. याबाबत मोठ्या संख्येने नागरिकांनी निषेध नोंदविला. या कार्यक्रमासाठी प्रशासकीय पातळीवर परवानगी घेण्यात आली नव्हती. महत्वाचे म्हणजे औषध लावणाऱ्यांनी सांगितले की, औषध घेण्यासाठी डोक्यावरचे सर्व केस कापून यावे लागतील. यानंतर आजूबाजूच्या परिसरातील न्हाव्याच्या दुकानांकडेमध्येही गर्दी झाली.
(The above story first appeared on LatestLY on Dec 17, 2024 01:57 PM IST. For more news and updates on politics, world, sports, entertainment and lifestyle, log on to our website latestly.com).
