Fake Inspector Arrested:  इन्स्पेक्टर होण्यासाठी तीनदा परीक्षेत नापास, बनावट इन्स्पेक्टर बनून सुरु केली वसुली
Fake Inspector Arrested

Fake Inspector Arrested:  बिहारमधील दरभंगा येथे पोलिसांनी एका बनावट इन्स्पेक्टरला पैसे उकळताना पकडले आहे. अशोक कुमार साहू असे आरोपीचे नाव असून तो मणिगाछी पोलीस स्टेशन परिसरातील जगदीशपूरचा रहिवासी आहे. पोलिसांनी आरोपीला अटक केली असून त्याच्याकडून मुद्देमाल जप्त केला आहे. सध्या आरोपीची चौकशी सुरू आहे. दरभंगा सदरचे एसडीपीओ अमित कुमार यांनी सांगितले की, आरोपीने इन्स्पेक्टर होण्यासाठी तीनदा परीक्षा दिली होती, पण त्यात तो नापास झाला. यानंतर त्याच्या मनात बनावट इन्स्पेक्टर बनण्याची कल्पना आली.

पोलिसांचा गणवेश घालून पैसे उकळायचा 

पोलिस अधिकाऱ्याने सांगितले की, आरोपींनी यूट्यूबच्या मदतीने पोलिसांच्या कामाच्या पद्धतीही शिकल्या होत्या. त्यानंतर त्याने  बनावट पोलिस गणवेश घालून नो एंट्री गेटमधून आत जाणाऱ्यांकडून पैसे वसूल करण्यास सुरुवात केली. यातून तो रोज 2 ते 3 हजार रुपये कमवत असे.

आरोपीने ओळख लपवण्यासाठी मास्क लावला होता

एसडीपीओ अमित कुमार यांनीही सांगितले की, आरोपीने त्यांच्या कुटुंबीयांनाही फसवले होते. त्याला पोलिसात नोकरी लागली असून आपण वाहतूक पोलिसात इन्स्पेक्टर असल्याचे त्याने कुटुंबीयांना सांगितले होते.

त्याला कोणी ओळखू नये म्हणून तो तोंडावर मास्क बांधायचा. शहरातील मिर्झापूर व दोनार येथे तो वसूल खंडणी करायचा आणि गस्तीची गाडी पाहून लपून बसायचा.