ठाणे: मेडिकलच्या दुकानात चोरी करण्यासाठी आलेल्या भामट्याकडून गोळीबार, एका तरुणाचा मृत्यू

ठाणे येथे मेडिकलच्या दुकानात चोरी करण्यासाठी आलेल्या भामट्याने एका 26 वर्षीय तरुणावर गोळीबार केल्याचा प्रकार समोर आला आहे. या प्रकरणी तरुणाचा मृत्यू झाला असून चोरट्याचा शोध पोलिसांकडून घेतला जात आहे. तसेच परिसरात खळबळ उडाली असून नागरिकांमध्ये भीतीचे वातावरण निर्माण झाले आहे. पोलिसांकडून सीसीटिव्ही फुटेजच्या माध्यमातून शोध घेण्याचा प्रयत्न करत असल्याचे सांगण्यात आले आहे.

कळवा पूर्वेला असलेल्या एका मेडिकलच्या दुकानाताचे टाळे तोडून एक अज्ञात व्यक्तीने आतमध्ये शिरकाव केला. दुकानात एक तरुण तेथेच झोपला होा. तरुणाला काही आवाज आला म्हणून उठल्यानंतर समोर असलेल्या भामट्याने त्याच्यावर गोळीबार केला असता तेथेच त्याचा मृत्यू झाला. सध्या या प्रकरणामुळे परिसरात भीतीचे वातावरण पसरले असून आरोपीचा तपास करण्यात येत आहे.(घाटकोपर: जागृतीनगर मेट्रो स्टेशनजवळ दिवसाढवळ्या सुरा खुपसून एका व्यक्तीचा खून)

(The above story first appeared on LatestLY on Dec 28, 2019 04:39 PM IST. For more news and updates on politics, world, sports, entertainment and lifestyle, log on to our website latestly.com).