शिवभोजन थाळी: तुमच्या जिल्ह्यात कोणत्या ठिकाणी मिळणार 10 रुपयांत जेवण

Shiv Bhojan Thali | (Photo credit: archived, edited, symbolic images)

Shiv Bhojan Thali in Your District: शिवसेना (Shiv Sena) आणि मुख्यमंत्री उद्धव ठाकरे ( Chief Minister Uddhav Thackeray) यांची अत्यंत महत्त्वाकांक्षी असलेली शिवभोजन थाळी (Shiv Bhojan Thali) योजना प्रजासत्ताक दिनाच्या मुहूर्तावर म्हणजेच 26 जानेवारी या दिवशी मोठ्या धुमधडाक्यात सुरु करण्यात आली. उपमुख्यमंत्री अजित पवार, पर्यावरणमंत्री आदित्य ठाकरे, अन्न आणि नागरी पुरवठामंत्री छगन भुजबळ यांनी अनुक्रमे पुणे, मुंबई आणि नाशिक येथे आणि इतर जिल्ह्यांमध्ये त्या त्या जिल्ह्याच्या पालकंत्र्यांनी या योजनेचा शुभारंभ केला. त्यामुळे महाराष्ट्रातील अनेक जिल्ह्यांमध्ये जनतेला 10 रुपयांमध्ये जेवण उपलब्ध झाले आहे. सध्या बहुचर्चेत असलेली ही शिवभोजन थाळी तुमच्या जिल्ह्यात कोणकोणत्या ठिकाणी मिळणार घ्या जाणून.

तुमच्या जिल्ह्यात कुठे मिळणार शिवभोजन थाळी?

(हेही वाचा, खुशखबर! महाराष्ट्रातील प्रत्येक जिल्ह्यात सुरु होणार 'शिवभोजन' थाळी; 10 रुपयांमध्ये मिळणार सकस आहार, जाणून घ्या स्वरूप)

कशी असेल शिवभोजन थाळी

शिवभोजन थाळी ही राज्य सरकारची योजना आहे. या योजनेअंतर्गत ग्राहकांना (राज्यातील गरीब, गरजू जनतेला) केवळ 10 रुपयांत भोजन मिळणार आहे. या थाळीमध्ये दोन चपाती, एक वाटी भाजी, भात, एक वाटी वरण असे पदार्थ असणार आहेत. विविध स्वयंसेवी संस्था, भोजनालयं यांच्याकडे ही थाळी 50 रुपयांमध्ये उपलब्ध होणार आहे. परंतू, लाभार्थ्यांना मात्र ही थाळी केवळ 10 रुपयांत उपलब्ध होणार आहे. उर्वरीत 40 रुपये हे राज्य सरकार संबंधीत भोजनालय आणि स्वयंसेवी संस्थांना म्हणजेच ही थाळी देणाऱ्या संस्थांना देणार आहे.ग्रामीण भागात ही थाळ 35 रुपयांमध्ये मिळणार आहे. परंतू इथेही लभार्थ्यांना ही थाळी 10 रुपयांमध्येच दिली जाणार असून, उर्वरीत रक्कम राज्य सरकार संबंधीत भोजनालयं आणि स्वयंसेवी संस्थांना देणार आहे.