Mumbai: दसऱ्यानिमित्त मुंबईतील प्रसिद्ध राणीबाग प्राणीसंग्रहालय सर्वांसाठी खुले राहणार

Mumbai: भायखळ्यातील वीरमाता जिजाबाई भोसले उद्यान (Veermata Jijabai Bhosale Udyan And Zoo) येत्या बुधवारी विजयादशमी (दसरा) निमित्त सार्वजनिक सुट्टीच्या दिवशी सर्वांसाठी खुले राहणार आहे. बुधवारी प्राणीसंग्रहालय साफसफाई आणि देखभालीसाठी बंद असते. मात्र, महापालिकेने यापूर्वी मंजूर केलेल्या ठरावानुसार बुधवारी सार्वजनिक सुट्टी आल्यास ते प्राणीसंग्रहालय जनतेसाठी खुले ठेवतील.

राणीबाग या नावाने प्रसिद्ध असलेल्या या प्राणिसंग्रहालयात येणाऱ्यांची गर्दी गेल्या काही महिन्यांत वाढली आहे. यंदा गणेशोत्सवानिमित्त पर्यटकांनी राणीबागेला मोठ्या प्रमाणावर भेट दिली. या काळात विशेषत: लहान मुले प्राणी पाहण्याचा आनंद लुटताना दिसत होते. प्राणीसंग्रहालयात नवीन विदेशी प्राण्यांच्या समावेशामुळे अभ्यागतांना आकर्षित केले आहे. विशेषत: वाघ, बिबट्या, अस्वल आणि पेंग्विनच्या भोवती मोठ्या संख्येने लोक फिरकतात. (हेही वाचा - BMC: मुंबई महानगरपालिका कर्मचाऱ्यांना मिळणार 20 हजार रुपये दिवाळी बोनस, आयुक्त इक्बाल सिंह चहल यांची माहिती)

एका आठवड्यात सरासरी 3,000 ते 4,000 लोक राणीबागेला भेट देतात. तर वीकेंडला 12 ते 15 हजार लोक राणीबागेत येत असतात. गेल्या महिन्यात चार दिवसांच्या लाँग वीकेंडला सुमारे 46 हजार पर्यटक आले होते. उन्हाळ्याच्या सुट्टीत प्राणिसंग्रहालयात मे महिन्यात एकाच दिवशी सर्वाधिक 30,379 पर्यटकांची नोंद करण्यात आली होती. मात्र, मुसळधार पाऊस आणि शाळा पुन्हा सुरू झाल्याने पाहुण्यांची संख्या घटली आहे.

सार्वजनिक सुट्टीच्या दिवशी राणीबाग बंद ठेवण्यात येते. मात्र, आता दसऱ्याच्या दिवशी राणीबाग पर्यटकांसाठी खुली असणार आहे.

(The above story first appeared on LatestLY on Sep 29, 2022 09:39 PM IST. For more news and updates on politics, world, sports, entertainment and lifestyle, log on to our website latestly.com).