Sana Malik On Devendra Fadnavis: नवाब मलिकांची मुलगी सना मलिकची देवेंद्र फडणवीसांवर टीका, म्हणाल्या तुम्ही दाऊद इब्राहिमच्या नातेवाईकासोबत दिसला होतात

महाराष्ट्र विधानसभेतील विरोधी पक्षनेते देवेंद्र फडणवीस (Devendra Fadnavis) यांनी सोमवारी पेन ड्राइव्ह (Pen drive) सादर केला. त्यांनी या पेनड्राईव्हमधील एका क्लिपबद्दल सांगितले की, या क्लिपमध्ये मुदस्सीर लांबे (Mudassir Lambe) नावाचा व्यक्ती उघडपणे स्वत:ला दाऊद इब्राहिमचा माणूस असल्याचे सांगत आहे. 31 डिसेंबर 2020 रोजी एका 33 वर्षीय महिला सामाजिक कार्यकर्त्याने त्याच्याविरुद्ध बलात्काराची (Rape) तक्रार दाखल केली. दाऊद कनेक्शनचा धाक दाखवून या व्यक्तीने या महिलेला धमकावले. अशा व्यक्तीला अल्पसंख्याक मंत्री नवाब मलिक (Nawab Malik) यांनी वक्फ बोर्डात ठेवले आहे. यावरून महाविकास आघाडी सरकारकडून दाऊद इब्राहिमशी संबंधित लोकांना किती महत्त्व दिले जात आहे, हे दिसून येते. याचे उत्तर नवाब मलिक यांची मुलगी सना मलिकने (Sana Malik Tweet) ट्विट केले आहे.

सना मलिकने मुदस्सीर लांबे यांच्या वक्फ बोर्डात रुजू होण्याची तारीख सांगितली आहे आणि देवेंद्र फडणवीस यांचा मुदस्सीर लांबेसोबतचा फोटो शेअर करत लिहिले आहे, देवेंद्र फडणवीस दाऊद इब्राहिमचे नातेवाईक आणि बलात्काराच्या आरोपीसोबत.  देवेंद्र फडणवीस यांनी विधानसभेत अर्धसत्य आणि पूर्ण खोटं बोलल्याचं सना मलिकने ट्विटमध्ये म्हटलं आहे.

Half Truth is Full Lie!!

Dr. Lambe was appointed a Waqf Board member by Fadnavis/BJP govt on 13 Sept 2019.

MahavikasAghadi govt was established in November 2019. My father got Minority/Waqf Dept in the first week of Jan 2020.@Dev_Fadnavis with D-Gang Relative & a Rape Accused. pic.twitter.com/gMtApDZ5oc

— Ar. Sana Malik-Shaikh (@sanamalikshaikh) March 14, 2022

डॉ.मुदस्सीर लांबे यांची नियुक्ती देवेंद्र फडणवीस यांच्या भाजप सरकारच्या काळात झाली होती. नोव्हेंबर 2019 मध्ये महाविकास आघाडीचे सरकार आले. सना मलिक म्हणाली, अल्पसंख्याक आणि वक्फ विभाग जानेवारी 2020 मध्ये माझ्या वडिलांकडे आला होता. या फोटोत देवेंद्र फडणवीस डी गँगच्या नातेवाईकासोबत आणि बलात्काराचा आरोपी दिसत आहेत. सना मलिकने देवेंद्र फडणवीस यांचा मुदस्सीर लांबेसोबतचा फोटो शेअर केला आहे. हेही वाचा Ukraine Russia War: युक्रेन-रशिया युद्धाचा परिणाम सोयाबीनच्या पिकावर, खाद्यतेलही महागले

डी कंपनी आणि नवाब मलिक यांच्या जवळचा असल्याचा आरोप असलेल्या मुदस्सीर लांबे आणि अर्शद खान यांच्यातील पेन ड्राइव्हमधील संभाषणाचे ऑडिओ पुरावे फडणवीस यांनी सोमवारी विधानसभेत सादर केले. या क्लिपमध्ये मुदस्सीर अर्शद खानला सांगतो की त्याचे वडील दाऊद इब्राहिमचे उजवे हात होते आणि दाऊद इब्राहिमची बहीण हसिना पारकर आणि दाऊद इब्राहिमची मेहुणी म्हणजेच इक्बाल कासकर यांच्या पत्नीशी त्याचे लग्न झाले होते. इथे काहीही झाले तरी सर्वांच्या बातम्या दाऊद इब्राहिमकडेच राहतात.

(The above story first appeared on LatestLY on Mar 14, 2022 09:43 PM IST. For more news and updates on politics, world, sports, entertainment and lifestyle, log on to our website latestly.com).