Mumbai Bike Stunts Viedo: एक टाकीवर दुसरी पाठिवर; दोन महिलांसोबत तरुणाचा बाईक स्टंट; मुंबई पोलिसांकडून एकास अटक (पाहा व्हिडिओ)
मुंबई पोलिसांनी या बाईकस्वाराला आणि त्या दोन तरुणींना अटक केली असून धोकादायक पद्धतीने गाडी चालवण्याचा आरोप त्यांच्यावर लावण्यात आला आहे.
काही दिवसापुर्वी मुंबईतील एका बाईकस्वाराचा व्हिडिओ व्हायरल झाला होता. ज्या व्हिडिओमध्ये एक बाईकस्वार बाईकवर धोकादायक स्टंट करताना दिसत होता. त्याच्या पुढे एक तरुणी आणि मागे दुसरी तरुणी देखील बसली होती. हा व्हिडिओ व्हायरल झाल्यानंतर नेटकऱ्यांनी देखील संतप्त प्रतिक्रीया दिल्या होत्या आणि त्यांना अटक करण्याची मागणी देखील केली होती. यानंतर वांद्रे कुर्ला पोलीस स्थानकात गुन्हा दाखल करण्यात आला होता. या प्रकरणी मुंबई पोलिसांनी एका व्यक्तीला अटक केली असून फैयाज कादरी असे या आरोपीचे नाव आहे. त्याच्या सोबतच्या दोन तरुणींना देखील ताब्यात घेण्यात आले आहे. (Mumbai Bike Stunt: मुंबईतील युवकांचा दोन तरुणींसोबत बाईकवर स्टंट, पोलिसांत गुन्हा दाखल)
A case has been registered with BKC Police Station. Investigation into identifying the accused is underway.
If anyone has any information about persons in this video, you can DM us directly. https://t.co/CWGoqzSuaP
— Mumbai Traffic Police (@MTPHereToHelp) March 31, 2023
मुंबई पोलिसांनी या बाईकस्वाराला आणि त्या दोन तरुणींना अटक केली असून धोकादायक पद्धतीने गाडी चालवण्याचा आरोप त्यांच्यावर लावण्यात आला आहे. वांद्रे कुर्ला संकुल पोलिसांनी ही कारवाई केली आहे. अशा प्रकारे धोकादायक पद्धतीने गाडी चालवून स्वत:चा आणि इतरांचा प्राण संकटात आणू नये अशी भूमिका या व्हायरल व्हिडिओवर अनेक नेटकऱ्यांनी घेतलेली दिसून आली.
(The above story first appeared on LatestLY on Apr 03, 2023 08:46 AM IST. For more news and updates on politics, world, sports, entertainment and lifestyle, log on to our website latestly.com).
