मुंबई: कांंदिवली येथील शताब्दी रूग्णालयातून 80 वर्षीय कोरोनाबाधित रूग्णाचा मृतदेह बोरिवली स्थानकाजवळ सापडल्याने खळबळ; विरोधकांकडून पालिका प्रशासनाच्या कामकाजावर टीका

मुंबईमध्ये काल (8 जून) कोरोनाबाधितांचा आकडा 50 हजारांच्या पार गेल्यानंतर आज एक धक्कादायक घटना समोर आली आहे. दरम्यान मीडिया रिपोर्ट्सनुसार, कांदिवली (Kandivali) येथील मुंबई महानगर पालिकेच्या शताब्दी  रूग्णालयातून ( Shatabdi Hospital) 80 वर्षीय कोरोनाबाधित रूग्ण गायब झाला होता आणि त्यांचा मृतदेह बोरिवली स्थानकाजवळ आढळला आहे. दरम्यान या घटनेचा तपास सुरू असून संबंधितांवर कारवाई बाबत लवकरच निर्णय घेतला जाणार आहे. Coronavirus: कोरोना रुग्ण शोधण्यासाठी घरोघरी सर्वेक्षण; महाराष्ट्रासह दहा राज्यांसाठी केंद्र सरकारचा निर्णय.

दिवसागणिक मुंबई शहरामध्ये कोरोनाचं संकट गहिरं होत आहे. मागील अनेक दिवसांपासून रूग्णांना तात्काळ बेड उपलब्ध होत नसल्याची तसेच सायन, राजावाडी सारख्या रूग्णालयांमध्ये संबंधित कोरोनाबाधित रूग्णांवर उपचार करताना त्यांच्या बाजूलच मृतदेह ठेवल्यसारख्या घटना समोर आल्या आहेत. अशामध्ये आता पालिका रूग्णालयातील हा एक नवा प्रकार समोर आला आहे. दरम्यान या धक्कादायक वृत्ताचा विरोधकांनी समाचार घेत पालिका प्रशासनाच्या कामकाजावर प्रश्नचिन्ह उपस्थित केले आहे.

राम कदम यांचं ट्वीट

शताब्दी रुग्णालयाचा कारभार चव्हाट्यावर, बेपत्ता झालेल्या ८० वर्षीय आजोबांचा मृतदेह बोरिवली स्टेशनवर सापडला, आजोबांच्या मृत्यूला जबाबदार कोण? @mybmc @OfficeofUT @CMOMaharashtra

— Ram Kadam (@ramkadam) June 9, 2020

किरीट सोमय्या यांचं ट्वीट

"Ye Kya Ho Raha Hai" Now Dead Body of 80 year old COVID Patient of Shatabdi Hospital Kandivali found on Platform of Borivali Station

"ये क्या हो रहा है" शताब्दी रुग्णालय कांदिवली येथील 80 वर्षांच्या कोरोना पेशंट चा मृतदेह आत्ता बोरिवली स्टेशन प्लॅटफॉर्मवर सापडला @Dev_Fadnavis

— Kirit Somaiya (@KiritSomaiya) June 9, 2020

दरम्यान मुंबई महानगर पालिकेच्या आरोग्य समितीचे अध्यक्ष अमेय घोले यांनी मीडियाला माहिती देताना आम्ही लवकरच या घटनेचा आढावा घेऊन संबंधित अधिकारी दोषी आढळला तर त्यावर कारवाई केली जाईल असं म्हटलं आहे. आज अमेय घोले यांच्यासोबत मुंबईच्या महापौर किशोरी पेडणेकर देखील कांदिवलीच्या शताब्दी रूग्णालयामध्ये जाऊन परिस्थितीचा आढावा घेणार आहेत.

(The above story first appeared on LatestLY on Jun 09, 2020 11:50 AM IST. For more news and updates on politics, world, sports, entertainment and lifestyle, log on to our website latestly.com).