Maharashtra Monsoon Update: मुंबई, ठाणे सह कोकणात आज मुसळधार ते अतिमुसळधार पावसाची शक्यता- IMD
मागील 24 तासांत कोकणात मुसळधार ते अति मुसळधार पावसाची नोंद झाली. आजही कोकणासह मुंबई, ठाणे, उत्तर महाराष्ट्रात (North Maharashtra) पावसाचा हा जोर कायम राहणार असल्याची शक्यता हवामान विभागाने वर्तवली आहे.
महाराष्ट्रात (Maharashtra) पावसाने चांगलाच धुमाकूळ घातला असून मुंबई (Mumbai), ठाणे (Thane), पालघर (Palghar), कोकणासह (Konkan) अनेक जिल्ह्यात मुसळधार पाऊस पडत आहे. जुलै महिन्यात काहीशी विश्रांती घेतलेल्या पावसाने ऑगस्ट महिन्यात चांगलाच जोर पकडला. मागील 24 तासांत कोकणात मुसळधार ते अति मुसळधार पावसाची नोंद झाली. आजही कोकणासह मुंबई, ठाणे, उत्तर महाराष्ट्रात (North Maharashtra) पावसाचा हा जोर कायम राहणार असल्याची शक्यता हवामान विभागाने वर्तवली आहे. त्यामुळे नागरिकांनी काळजी घ्यावी असे आवाहन हवामान विभाग प्रमुख के एस होसाळीकर यांनी केले आहे.
यासोबत मुंबईत आज दुपारी 2.14 मिनिटांनी समुद्रात 4.67 मीटरच्या (High Tide in Mumbai) लाटा उसळणार असल्याची माहिती देखील मिळत आहे. त्याचबरोबर आज मुंबईत ढगाळ वातावरण राहणार असून मुसळधार पावसाची शक्यता वर्तविण्यात आली आहे. Mumbai Rain and High Tide Today: मुंबईच्या सुमद्रात आज दुपारी 2.14 मिनिटांनी येणार भरती; शहरातील अनेक भागात मुसळधार पावसाची शक्यता- BMC
Under influence of well marked low pressure ovr Central MP, Konkan recd hvy to vry hvy RF in last 24 hrs. Mumbai Thane NM recd hvy to vry hvy RF as forecasted. Satellite image showing clouds over E MP, N M Mah,E Guj.Possibility of hvy to vry hvy RF here.Mumbai Thane Konkan too
— K S Hosalikar (@Hosalikar_KS) August 22, 2020
दरम्यान जुलैमध्ये मुंबई, ठाणे, कोकण, पश्चिम महाराष्ट्रात मुसळधार पाऊस झाला. त्यानंतर ऑगस्टच्या पहिल्या आठवड्यात पावसाने या शहरांना झोडपून काढलं. त्यानंतर काही दिवस दडी मारुन बसलेला पाऊस 10-11 ऑगस्ट दरम्यान पुन्हा सक्रिय झाला. कमी-अधिक प्रमाणात बसरसत असलेल्या पावसाने काल पासून दमदार बॅटिंगला सुरुवात केली.
(The above story first appeared on LatestLY on Aug 22, 2020 10:21 AM IST. For more news and updates on politics, world, sports, entertainment and lifestyle, log on to our website latestly.com).
