Sumitra Bhandari Passes Away: भाजपा नेते Madhav Bhandari यांच्या पत्नी सुमित्रा भंडारी यांचं अल्पशा आजाराने निधन

भाजपा नेते माधव भंडारी (Madhav Bhandari) यांच्या पत्नीचं काल (3 जानेवारी) पुण्यामध्ये अल्पशा आजाराने निधन झाले आहे. माधव भंडारी यांच्या पत्नी सुमित्रा  वेलणकर भंडारी (Sumitra Bhandari)   या ज्येष्ठ सामाजिक कार्यकर्त्या होत्या. त्यांनी काल वयाच्या 60व्या वर्षी शेवटचा श्वास घेतला आहे. आज पुण्यातील नवी पेठ परिसरामध्ये त्यांच्या निवासस्थानी पार्थिव अंतिम दर्शनासाठी ठेवण्यात आलं आहे. आज संध्याकाळी 4 च्या सुमारास त्यांच्यावर अंत्यसंस्कार करण्यात येतील.

सुमित्रा भंडारी या परभणीचे राष्ट्रीय स्वयंसेवक संघाचे ज्येष्ठ स्वयंसेवक नानासाहेब वेलणकर यांच्या त्या कन्या होत्या. विद्यार्थी असल्यापासून त्या अखिल भारतीय विद्यार्थी परिषदेच्या माध्यमातून काम करत होत्या. लग्नानंतर त्यांनी पुणे, कोकण भागामध्ये आपलं काम नेले. तेथील सामाजिक संघटना, संस्था यांच्यासोबत त्या काम करत होत्या. नक्की वाचा: BJP MLA Laxman Jagtap Passes Away: भाजप आमदार लक्ष्मण जगताप यांचे प्रदीर्घ आजाराने निधन .

पहा ट्वीट्स

सामाजिक कार्यकर्त्या सौ. सुमित्रा भंडारी यांचे निधन दुःखद आहे. मी @Madhavbhandari_ जी व त्यांच्या कुटुंबीयांच्या दुःखात सहभागी आहे. ईश्वर मृतात्म्यास शांती आणि भंडारी कुटुंबियांना हे दुःख सहन करण्याची शक्ती देवो हीच ईश्वरचरणी प्रार्थना! भावपूर्ण श्रद्धांजली ? pic.twitter.com/QhZ7Wq677w

— Sachin Sawant सचिन सावंत (@sachin_inc) January 4, 2023

भाजपचे ज्येष्ठ नेते श्री @Madhavbhandari_ जी यांच्या पत्नी सौ. सुमित्रा माधव भांडारी यांच्या निधनाचे वृत्त ऐकून अतिव दुःख झाले.

माधवजी व भांडारी कुटुंबियांना हे दुःख सहन करण्याचे बळ ईश्वराने द्यावे!

दिवंगत आत्म्यास भावपूर्ण श्रद्धांजली!?

ॐ शांती!

— Prasad Lad (@PrasadLadInd) January 4, 2023

अनेक भाजप नेत्यांनी आणि कार्यकर्त्यांनी सुमित्रा भंडारी यांच्या निधनावर शोक व्यक्त करत आपला शोक संदेश ट्वीट केला आहे.

(The above story first appeared on LatestLY on Jan 04, 2023 11:12 AM IST. For more news and updates on politics, world, sports, entertainment and lifestyle, log on to our website latestly.com).