Easy Mahashivratri Rangoli Design: महाशिवरात्रीच्या निमित्ताने अंगणात प्रसन्नता वाढवणाऱ्या ट्रेंडिंग रांगोळी डिझाइन्स आणि सजावट
महाशिवरात्रीच्या निमित्ताने घराचे अंगण आणि देव्हारा सजवण्यासाठी २०२६ मधील आधुनिक आणि पारंपारिक रांगोळी ट्रेंड्सचा आढावा.
मुंबई: हिंदू धर्मातील अत्यंत पवित्र आणि महत्त्वाच्या सणांपैकी एक म्हणजे महाशिवरात्री. दरवर्षी माघ महिन्यातील कृष्ण पक्षातील चतुर्दशीला हा सण साजरा केला जातो. यंदा १५ फेब्रुवारी २०२६ रोजी देशभरात महाशिवरात्रीचा उत्साह पाहायला मिळणार आहे. हा केवळ एक धार्मिक सण नसून, तो निसर्ग, अध्यात्म आणि मानवी कल्याणाशी जोडलेला एक मोठा उत्सव आहे. पौराणिक कथांनुसार, महाशिवरात्रीच्या दिवशी भगवान शिव आणि माता पार्वती यांचा विवाह झाला होता. या दिवसाला 'शिव-शक्ती'च्या मिलनाची रात्र मानले जाते. दुसरी एक कथा अशी आहे की, जेव्हा समुद्रमंथनातून 'हलाहल' नावाचे विष बाहेर आले, तेव्हा जगाला वाचवण्यासाठी भगवान शंकरांनी ते प्राशन केले. यामुळे त्यांचे कंठ निळे पडले आणि त्यांना 'नीलकंठ' म्हटले गेले. या उपकाराची जाणीव म्हणून भक्त ही रात्र जागवून महादेवाची आराधना करतात.
महाशिवरात्रीच्या पावन पर्वावर भगवान शंकराची भक्ती केवळ उपवास किंवा पूजेपुरती मर्यादित न राहता, घराघरांत रांगोळीच्या माध्यमातूनही साकारली जात आहे. यंदा १५ फेब्रुवारी २०२६ रोजी साजरा होणाऱ्या या उत्सवासाठी सोशल मीडियावर नवनवीन रांगोळी डिझाइन्स ट्रेंड करत आहेत. शिवलिंग, त्रिशूळ, डमरू आणि बेलपत्राचा वापर करून काढलेल्या या रांगोळ्या घराचे वातावरण प्रसन्न आणि आध्यात्मिक बनवत आहेत.
महाशिवरात्रीसाठी हटके रांगोळी डिझाईन
शिवलिंग आणि अर्धचंद्र प्रतिकृतीचा कल
यंदाच्या महाशिवरात्रीला शिवलिंगाची त्रिमितीय (3D) प्रतिकृती असलेल्या रांगोळ्यांना मोठी पसंती मिळत आहे.
महाशिवरात्री टिपक्याची रांगोळी
वेळेअभावी ज्यांना मोठी रांगोळी काढणे शक्य नाही, त्यांच्यासाठी ठिपक्यांच्या (Dots) रांगोळ्यांचे विविध प्रकार समोर येत आहेत.
महाशिवरात्री फुलांची रांगोळी
केवळ रंगांचा वापर न करता यंदा 'फुलांची रांगोळी' (Flower Rangoli) काढण्याचा कलही वाढला आहे.
तांब्याच्या थाळीतील 'पाण्यावरची रांगोळी'
मंदिरासमोर किंवा देव्हाऱ्याजवळ ठेवण्यासाठी तांब्याच्या किंवा पितळेच्या मोठ्या थाळीत पाणी भरून त्यावर रांगोळी काढण्याची पद्धत यंदा ट्रेडिंगमध्ये आहे. पाण्यावर तरंगणाऱ्या फुलांच्या पाकळ्या आणि मध्ये शिवलिंगाचे चित्र एक आगळीवेगळी सजावट मानली जात आहे.
महाशिवरात्रीच्या रात्री होणाऱ्या 'चार प्रहर' पूजेसाठी अशा प्रकारे सजावट करून भक्त आपल्या आराध्याचे स्वागत करण्यासाठी सज्ज झाले आहेत.
(The above story first appeared on LatestLY on Jan 01, 1970 05:30 AM IST. For more news and updates on politics, world, sports, entertainment and lifestyle, log on to our website latestly.com).
