Kirit Somaiya यांनी केली पुण्यातील जंबो कोविड सेंटरमध्ये मृत्यू झालेल्या रुग्णांच्या कुटुंबीयांना 1 कोटी रुपयांची भरपाई देण्याची मागणी

Kirit Somaiya: भाजपचे ज्येष्ठ नेते किरीट सोमय्या (Kirit Somaiya) यांनी मंगळवारी महाराष्ट्राच्या मानवी हक्क आयोगासमोर लाइफलाइन हॉस्पिटल मॅनेजमेंट सर्व्हिसेसविरुद्ध गुन्हेगारी निष्काळजीपणामुळे शिवाजी नगर जंबो कोविड सेंटर पुणे (Shivaji Nagar Jumbo COVID Center Pune) येथे कोविड रुग्णांचा मृत्यू झाल्याची याचिका दाखल केली. सोमय्या यांनी त्यांच्या तक्रारीत पुण्यातील शिवाजी नगर जंबो कोविड सेंटर (COVID Patients) मध्ये उपचारादरम्यान प्राण गमावलेल्या मृतांच्या कुटुंबीयांना एक कोटी रुपयांची भरपाई देण्याची मागणी केली आहे.

सोमय्या यांनी पुण्यातील जंबो कोविड सेंटरच्या वाटपातील कथित अनियमिततेमुळे कोविड रुग्णांच्या मृत्यूचे प्रमाण साथीच्या आजारात वाढल्याचा आरोप केला आहे. कोविड सेंटरमध्ये रुग्णांवर उपचार करण्यासाठी अनुभवी डॉक्टर नसल्याचा आरोपही त्यांनी केला. (हेही वाचा -Manohar Joshi Admitted To Hinduja Hospital: महाराष्ट्राचे माजी मुख्यमंत्री, शिवसेना नेते मनोहर जोशी यांची प्रकृती खालावली; उद्धव ठाकरे, रश्मी ठाकरेंनी हिंदुजा रूग्णालयात घेतली भेट)

याशिवाय रुग्णांना वेळेवर जेवण व औषधे दिली जात नाहीत आणि रुग्णसंख्येवर उपचार करण्यासाठी वैद्यकीय कर्मचारीही अपुरे आहेत. मृतांच्या कुटुंबीयांना पुणे महानगरपालिका (PMC), पुणे महानगर प्रदेश विकास प्राधिकरण (PMRDA) आणि लाइफलाइन हॉस्पिटल मॅनेजमेंट सर्व्हिसेस यांनी भरपाई द्यावी, अशी मागणी सोमय्या यांनी केली.

एप्रिलच्या सुरुवातीला, सोमय्या यांनी लाइफलाइन हॉस्पिटल मॅनेजमेंट सर्व्हिसेसचे सुजित पाटकर यांच्या विरोधात एफआयआर नोंदवला होता. सुजित पाटकर हे शिवसेना उद्धव बाळासाहेब ठाकरे (UBT) नेते संजय राऊत यांचा व्यावसायिक भागीदार आणि जवळचे कौटुंबिक मित्र असल्याचा दावा करण्यात आला होता. यासंदर्भात भारतीय दंड विधानाच्या कलम 420, 406, 465, 467, 468, 471, 511, 34 अन्वये पुण्यातील शिवाजीनगर पोलीस ठाण्यात गुन्हा दाखल करण्यात आला आहे.

(The above story first appeared on LatestLY on May 23, 2023 06:44 PM IST. For more news and updates on politics, world, sports, entertainment and lifestyle, log on to our website latestly.com).