Anant Tare: अनंत तरे यांच्या निधनावर एकनाथ शिंदे, जितेंद्र आव्हाड, नितीन राऊत यांच्यासह महाविकास आघाडीतील 'या' नेत्यांनी व्यक्त केला शोक
ठाणे (Thane) शहराचे माजी महापौर, माजी आमदार आणि शिवसेना उपनेते अनंत तरे (Anant Tare) यांचे आज अल्पशा आजाराने निधन झाल्याची धक्कादायक माहिती समोर आली आहे. ठाण्याच्या ज्युपिटर रुग्णालयात अनेक दिवसांपासून उपचार सुरू होते.
ठाणे (Thane) शहराचे माजी महापौर, माजी आमदार आणि शिवसेना उपनेते अनंत तरे (Anant Tare) यांचे आज अल्पशा आजाराने निधन झाल्याची धक्कादायक माहिती समोर आली आहे. ठाण्याच्या ज्युपिटर रुग्णालयात अनेक दिवसांपासून उपचार सुरू होते. मात्र, आज उपचारादरम्यान प्राणज्योत मालवली आहे. अनंत तरे यांच्या जाण्याने सर्वत्र शोकाकूळ वातावरण निर्माण झाले आहे. यातच राज्याचे नगरविकास मंत्री एकनाथ शिंदे (Eknath Shine), गृहनिर्माण मंत्री जितेंद्र आव्हाड (Jitendra Awhad), उर्जामंत्री नितीन राऊत (Nitin Raut), आमदार रोहित पवार (Rohit Pawar) आणि आदित्य ठाकरे (Aaditya Thackeray) यांनी ट्विटरच्या माध्यमातून शोक व्यक्त केला आहे.
अनंत तरे हे शिवसेनेचे फायरब्रँड नेत्यांपैकी एक होते. त्यांनी ठाणे महापालिकेचे महापौरपद भूषविले होते. एवढेच नव्हेतर, 2000 ते 2006 या दरम्यान विधानपरिषदेवर आमदार होते. तसेच कोरोना समाजाचा मोठा नेता म्हणून त्यांची ओळख होती. याशिवाय, एकविरा देवी ट्रस्टचे देखील ते अध्यक्ष होते. शिवसेनेने 2015 मध्ये त्यांची पालघर जिल्हा संपर्कप्रमुखपदी वर्णी लावली होती. हे देखील वाचा- सातारा जिल्ह्यात महामार्ग वगळता रात्री 11 ते सकाळी 6 वाजेपर्यंत संचारबंदी, तर बुलढाण्यातील 5 नगरपालिका क्षेत्रे कंटेन्मेंट झोन म्हणून जाहीर
एकनाथ शिंदे यांचे ट्वीट-
शिवसेना उपनेते,ठाण्याचे माजी महापौर,माजी आमदार,श्री आई एकविरा देवस्थान ट्रस्टचे अध्यक्ष व कोळी समाजाचे नेते अनंत तरे यांच्या दु:खद निधनाने ठाणे जिल्ह्यातील राजकीय, सामाजिक आणि सांस्कृतिक क्षेत्रातील एक ज्येष्ठ व्यक्तिमत्व काळाच्या पडद्याआड गेले आहे.भावपूर्ण श्रद्धांजली!ॐ शांती 🙏 pic.twitter.com/jSRj8SS6fz
— Dr Shrikant Eknath Shinde (@DrSEShinde) February 22, 2021
जितेंद्र आव्हाड यांचे ट्वीट-
शिवसेनेचे माजी उपनेते,आमदार व ठाणे महानगरपालिकेचे माजी महापौर श्री.अनंत तरे जी यांचे हृदय विकाराच्या धक्क्याने दुःखद निधन झाले...
माझ्या आयुष्यात त्यांनी केलेली मदत मी कधीच विसरू शकत नाही
कुटुंबियांच्या दुःखात मी व संपूर्ण ठाणेकर सहभागी आहोत.. pic.twitter.com/MLUUe4tMzV
— Dr.Jitendra Awhad (@Awhadspeaks) February 22, 2021
नितीन राऊत यांचे ट्वीट-
शिवसेनेचे ज्येष्ठ नेते,ठाणे शहराचे माजी महापौर, माजी आमदार व कोळी समाजाचे नेते #अनंततरे यांच्या निधनाचे वृत्त वेदनादायी आहे. राज्याने एक संवेदनशील नेतृत्व गमावले.त्यांचे कुटुंबीय व चाहते यांच्या दुःखात मी आणि महाविकास आघाडी सरकार सामील आहोत. @CMOMaharashtra @ShivSena pic.twitter.com/7xZPbpSGPP
— Dr. Nitin Raut (@NitinRaut_INC) February 22, 2021
रोहीत पवार यांचे ट्वीट-
शिवसेनेचे नेते, ठाण्याचे माजी महापौर, माजी आमदार अनंत तरे यांचं निधन झाल्याची दुःखद बातमी समजली. कोळी बांधवांच्या प्रश्नांवर त्यांनी नेहमी आवाज उठवला. त्यांच्या आत्म्यास शांती लाभो!
भावपूर्ण श्रद्धांजली! pic.twitter.com/LQZj8KzsI3
— Rohit Pawar (@RRPSpeaks) February 22, 2021
आदित्य ठाकरे यांचे ट्वीट-
शिवसेनेचे उपनेते, ठाणे शहराचे माजी महापौर, माजी आमदार आणि कोळी समाजाचे नेते अनंत तरे जी यांना भावपूर्ण श्रद्धांजली. ईश्वर त्यांच्या आत्म्यास शांती देवो ही प्रार्थना🙏🏼
— Aaditya Thackeray (@AUThackeray) February 22, 2021
अनंत तरे यांच्या पश्चात्य पत्नी, मुलगा, विवाहित मुलगी, जावई, सुन, नातवंडे आणि भाऊ असा परिवार आहे. अनंत तरे यांच्यावर उद्या दुपारी दोन वाजता त्यांच्यावर अंत्यसंस्कार करण्यात येणार आहेत.
(The above story first appeared on LatestLY on Feb 22, 2021 07:17 PM IST. For more news and updates on politics, world, sports, entertainment and lifestyle, log on to our website latestly.com).
