Mumbai: जो उखडना का है, वो उखाडलो! नो एंट्री लेनमध्ये गाडी चालवणाऱ्या आणि वाहतूक पोलिसांशी वाद घालणाऱ्या टॅक्सी चालकाची मुंबई न्यायालयाने केली निर्दोष मुक्तता
या टॅक्सी चालकाविरोधात वाहतूक पोलिस अधिकाऱ्याला कर्तव्य बजावण्यापासून परावृत्त करण्यासाठी गुन्हेगारी बळाचा वापर केल्याचा आरोप ठेवण्यात आला होता. त्याच्या ड्रायव्हिंग लायसन्सच्या आधारे आरोपीचा शोध घेऊन त्याला अटक करण्यात आली होती.
Mumbai: मुंबई सत्र न्यायालयाने (Mumbai Sessions Court) अलीकडेच एका टॅक्सी चालकाची (Taxi Driver) निर्दोष मुक्तता केली. ज्यावर वाहतूक पोलीस अधिकाऱ्याला (Traffic Police Officer) कर्तव्य बजावण्यापासून परावृत्त केल्याचा आरोप करण्यात आला होता. मुंबई सेंट्रल रेल्वे स्थानकाजवळ नो एंट्री लेनवर (No Entry Lane) टॅक्सी चालक गाडी चालवत असताना सेजल मालवणकर नावाच्या ट्रॅफिक पोलिसाने त्याला थांबवले आणि त्याचे ड्रायव्हिंग लायसन्स मागितले.
ट्रॅफिक पोलिसांनी थांबवलेल्या टॅक्सी चालकाने अधिकाऱ्याला उद्धटपणे उत्तर दिले आणि "जो उखडने का है, वो उखडलो" असे उद्गार काढले. त्यानंतर तो तेथून निघून गेला. यानंतर महिला पोलिस अधिकाऱ्याने त्या पुरुषाविरुद्ध गुन्हा दाखल केला. या टॅक्सी चालकाविरोधात वाहतूक पोलिस अधिकाऱ्याला कर्तव्य बजावण्यापासून परावृत्त करण्यासाठी गुन्हेगारी बळाचा वापर केल्याचा आरोप ठेवण्यात आला होता. त्याच्या ड्रायव्हिंग लायसन्सच्या आधारे आरोपीचा शोध घेऊन त्याला अटक करण्यात आली. (हेही वाचा - Pune: महिलेकडून लैंगिक सुखाची मागणी केल्याप्रकरणी पुण्यातील आंबेगाव येथील IPS अधिकारी नीलेश अष्टेकर यांच्याविरुद्ध विनयभंगाचा गुन्हा दाखल)
तथापि, या संदर्भात नुकत्याच झालेल्या अपडेटमध्ये, मुंबई सत्र न्यायाधीश यूएम पडवाड यांनी टॅक्सी चालकावरील आरोप फेटाळले. इंडिया टुडेने दिलेल्या वृत्तात हा निकाल उद्धृत करण्यात आला आहे. आरोपींच्या अशा कृत्यामुळे मालवणकर यांना सार्वजनिक सेवक म्हणून कर्तव्य बजावताना कोणताही अडथळा निर्माण झाला होता, किंवा त्यांना कामापासून परावृत्त करण्यासाठी हाच पुरावा पुरेसा आहे, असे म्हणता येणार नाही, असं न्यायालयाने म्हटलं आहे.
न्यायमूर्तींनी निदर्शनास आणून दिले की, टॅक्सी चालकाने वाहतूक पोलिसांचे पालन करणे आणि वाहनाचा परवाना आणि कागदपत्रे दाखवणे अपेक्षित असले तरी, तसे करण्यास त्याने नकार देणे हा कलम 353 (लोकसेवकास प्रतिबंध करण्यासाठी प्राणघातक हल्ला किंवा गुन्हेगारी शक्ती) नुसार गुन्हा होऊ शकत नाही. शिवाय, चुकीच्या लेनवरून टॅक्सी चालवणाऱ्यांवर वाहतूक नियमांचे उल्लंघन करून कारवाई का केली नाही, असा सवाल न्यायालयाने मालवणकर यांना केला आहे.
(The above story first appeared on LatestLY on May 06, 2023 05:21 PM IST. For more news and updates on politics, world, sports, entertainment and lifestyle, log on to our website latestly.com).
