Rape: चंद्रपूरात एका 13 वर्षीय विद्यार्थिनीवर बलात्कार, आश्रमशाळेच्या अधीक्षकाला अटक
Stop Rape (Representative image)

चंद्रपूर (Chandrapur) जिल्ह्यातील संस्थेतील एका 13 वर्षीय विद्यार्थिनीवर बलात्कार (Rape) केल्याप्रकरणी एका आश्रमशाळेच्या अधीक्षकाला अटक (Arrested) करण्यात आली आहे, अशी माहिती पोलिसांनी सोमवारी दिली. जिल्हा मुख्यालयापासून सुमारे 30 किमी अंतरावर असलेल्या भद्रावती तहसीलच्या बरांज तांडा गावातील घमाबाई आश्रमशाळेत घडलेल्या घटनेच्या चौकशीसाठी विशेष तपास पथक (SIT) तयार करण्यात आले आहे, असे एका अधिकाऱ्याने सांगितले. पोलिसांनी रविवारी कलम 376 (बलात्कार) आणि भारतीय दंड संहिता आणि लैंगिक गुन्ह्यांपासून मुलांचे संरक्षण (पोक्सो) कायद्याच्या इतर संबंधित तरतुदींनुसार आरोपीला अटक केली, असे त्यांनी सांगितले.

वर्धा जिल्ह्यातील हिंगणघाट पोलीस ठाण्यात प्रथम माहिती अहवाल (एफआयआर) नोंदविण्यात आला कारण पीडित मुलीचे पालक तेथे राहतात आणि नंतर हे प्रकरण भद्रावती पोलीस ठाण्यात वर्ग करण्यात आले, असे अधिकाऱ्याने सांगितले.  उपविभागीय पोलीस अधिकारी (SDPO) आयुष नोपानी यांनी सांगितले की, पीडित मुलगी निवासी शाळेत शिकत होती, जिथे आरोपी अधीक्षक म्हणून कामाला होता. हेही वाचा Shiv Sena MP Sanjay Raut यांना 22 ऑगस्ट पर्यंत न्यायालयीन कोठडी; मुक्काम आर्थर रोड जेल मध्ये!

4 ऑगस्ट रोजी, शाळेच्या अधिकाऱ्यांनी मुलीच्या पालकांना तिला घेऊन जाण्यास सांगितले आणि तिला तब्येतीचा त्रास होत असल्याचे कारण देऊन हस्तांतरण प्रमाणपत्र जारी केले. हिंगणघाट येथील तिच्या घरी परतल्यानंतर, मुलीने तिच्या कुटुंबाला शाळेच्या अधीक्षकाने बलात्कार केल्याची माहिती दिली, त्यानंतर पालकांनी तक्रार दाखल केली, असे अधिकाऱ्याने सांगितले. पीडितेला वैद्यकीय तपासणीसाठी नागपूरला पाठवण्यात आले असून, याप्रकरणी अधिक चौकशी सुरू असल्याचे त्यांनी सांगितले.