खंडोबा (फोटो सौजन्य-फेसबुक)

Martand Bhairav Utsav 2019: महाराष्ट्रात खंडोबा आणि कर्नाटकात मैलार या नावाने ओळखला जाणारा मल्हारी मार्तंड भैरवाचा नवरात्रोत्सव यंदाही मोठ्या धुमधडाक्यात आणि उत्साहात साजरा केला जाणार आहे. यासाठी सर्व भक्तांची जोरदार तयारी सुरु झाली असून आपल्या मल्हारीरायाचे दर्शन घेण्यासाठी आणि नवरात्रौत्सव सोहळा डोळे भरून पाहण्यासाठी एव्हाना जेजुरीस प्रस्थान देखील केले असेल. मार्गशीर्ष शुद्ध प्रतिपदा ते मार्गशीर्ष शुद्ध षष्ठी असे सहा दिवस हा सण साजरा केला जातो.

यंदा हा उत्सव 29 नोव्हेंबर ते 2 डिसेंबर 2019 दरम्यान रंगणार आहे. या देवतेची लोकप्रियता एवढी व्यापक आहे की, धनगर, रामोशांपासून देशस्थ ब्राह्मणांपर्यंत समाजाच्या सर्व थरांत त्याची उपासना प्रचलित आहे. हेदेखील वाचा- Utpanna Ekadashi 2019: उत्पत्ति एकादशी निमित्त जाणून घ्या व्रत, कथा, पूजाविधी आणि शुभ मुहूर्त

‘खंडोबाची नवरात्र’ ही मार्गशीर्ष शुद्ध प्रतिपदा ते मार्गशीर्ष शुद्ध षष्ठी असे सहा दिवस साजरी केली जाते. हा खरा षड्रात्रोत्सव असतो. मार्गशीर्ष शुद्ध षष्ठी म्हणजेच चंपाषष्ठी, या दिवशी खंडोबा ऋषींच्या विनंतीला मान देऊन मणी-मल्लाचा वध करून लिंगद्वय रूपाने प्रगट झाले. नवरात्राचे पाच दिवस उपवास करून सहाव्या दिवशी तो सोडतात. सहा दिवस देवापुढे नंदादीप ठेवले जाते. खंडोबाला बेल, त. दवणा व झेंडूची फुले वाहिली जातात.

मार्गशीर्ष शुद्ध षष्ठी ही तिथी चंपाषष्ठी म्हणून साजरी केली जाते. मार्गशीर्ष महिन्यातल्या पहिल्या दिवशी मल्हारी नवरात्र सुरू होते. मार्गशीर्ष शुद्ध प्रतिपदेपासून शुद्ध षष्ठीपर्यंत हे चंपाषष्ठीचे सहा दिवसांचे नवरात्र असते. यास खंडोबाचे नवरात्र असेही म्हणतात. जेजुरीला हा उत्सव खूप मोठ्या प्रमाणात व भक्तिभावाने साजरा होतो. जेजुरी ह्या गावी मल्हारी देवस्थान आहे.