Karnatak Hijab Controversy: हिजाब घातलेल्या विद्यार्थिनीचा व्हिडिओ व्हायरल, ‘त्या’ विद्यार्थिनीला जमियत संघटनेकडून 5 लाखांचे बक्षीस

'हिजाब'च्या मागणीवरून कर्नाटकात वादळ वाढताना (Karnatak Hijab Controversy) दिसुन येत आहे. राज्यात अनेक ठिकाणी तणावाचे वातावरण पाहायला मिळत आहे. आणि आता त्याचे पडसाद महाराष्ट्रातही उमटत आहे. हिजाबच्या वादात (Hijab Controversy) मुस्लीम विद्यार्थिनीचा व्हिडिओ (Viral Video) सोशल मीडियावर (Social Media) चांगलाच व्हायरल होत आहे. हिजाब घातलेली ही मुस्लिम तरुणी जमावाने घेरलेली दिसत आहे. आणि तिच्यासमोर जय श्री रामच्या घोषणा आहेत. तर ही मुस्लीम विद्यार्थी व्हिडिओमध्ये 'अल्लाहू अकबर'च्या घोषणा देताना दिसत आहे. बीबी मुस्कान असे या मुस्लिम विद्यार्थिनीचे नाव आहे. एमआयएमचे प्रमुख आणि खासदार असदुद्दीन ओवेसी यांनी सोशल मीडियावर व्हायरल झालेल्या व्हिडिओमध्ये बीबी मुस्कान या मुस्लिम विद्यार्थिनीच्या धाडसाचे कौतुक केले. त्याचवेळी जमियत संघटनेकडून बीबी मुस्कानला 5 लाख रुपयांचे बक्षीस जाहीर केले आहे.

Tweet

As soon as the Muslim girl reached the college,students wearing saffron rugs surrounded her and raised slogans of 'Jai Shri Ram'. Not being afraid of him, the only Muslim student raised slogans of 'Allahu Akbar'. The college administration took the student safety. #HijabRow pic.twitter.com/rZiFUPFm4s

— Azhar Khan (@I_am_azhar__) February 8, 2022

हिम्मत और हौसला क्या होती है अगर आपको देखना है तो कर्नाटक की उन हिजाबी लड़कियों को देखें, जो दुश्मन के सामने नारे-तकबीर की सदाएं बुलंद कर रही हैं। - Barrister @asadowaisi #AllahuAkbar #Sherni #HijabisOurRight #HijabIsFundamentalRight #KarnatakaHijabRow pic.twitter.com/IcosHaCsiZ

— AIMIM (@aimim_national) February 9, 2022

जमियत उलेमा-ए-हिंदने मुस्लिम विद्यार्थी मुस्कान खानचे अभिनंदन केले आहे. जमियत उलेमा-ए-हिंदचे अध्यक्ष हजरत मौलाना महमूद असद मदनी यांनी सांगितले की, त्याच्यासाठी 5 लाख रुपयांचे बक्षीस जाहीर करण्यात आले आहे. जमियत उलेमा-ए-हिंदने जारी केलेल्या निवेदनात मौलाना मदनी म्हणाले की, मुस्कानला तिच्या घटनात्मक आणि धार्मिक अधिकारांसाठी तीव्र आणि तापदायक वातावरणाचा सामना करावा लागला. (हे ही वाचा Karnataka Hijab Ban: 'आम्ही भावनेचे नव्हे तर संविधानाचे पालन करू'; कर्नाटकातील हिजाब वादावर उच्च न्यायालयाचे म्हणणे)

हा व्हिडिओ व्हायरल झाल्यानंतर मुस्कान खानने मीडियावर आपली प्रतिक्रिया दिली आहे. मी एका असाइनमेंटसाठी कॉलेजला गेलो होतो. यावेळी मोठा जमाव आला आणि तुला बुरखा काढून कॉलेजला जाण्यास सांगितले. त्यावेळी जमावाने जय श्री रामच्या घोषणा दिल्या. या गर्दीत कॉलेजबाहेरील काही लोकांचाही समावेश असल्याचा आरोप मुस्कानने केला आहे.

कर्नाटक राज्यातील शैक्षणिक संस्था तीन दिवसांसाठी बंद

कर्नाटक राज्यातील शैक्षणिक संस्था तीन दिवसांसाठी बंद ठेवण्यात आल्या आहेत. हिजाब बंदीमुळे राज्यभरात झालेल्या हिंसक निदर्शनांमुळे कर्नाटकच्या मुख्यमंत्र्यांनी ही घोषणा केली. मंगळवारी राज्याचे मुख्यमंत्री बसवराज बोम्मई यांनी एका ट्विटमध्ये सांगितले की, राज्य सरकार या प्रकरणी उच्च न्यायालयाच्या आदेशाचे पालन करेल. तसेच विद्यार्थ्यांना शांतता राखण्याचे आवाहन केले आहे. तसेच शिक्षक आणि शाळा आणि महाविद्यालयांचे व्यवस्थापक तसेच कर्नाटकातील जनतेला राज्यात शांतता आणि सलोखा राखण्याचे आवाहन हि केले आहे.

(The above story first appeared on LatestLY on Feb 09, 2022 02:16 PM IST. For more news and updates on politics, world, sports, entertainment and lifestyle, log on to our website latestly.com).