Today Gold-Silver Rate: सोने खरेदी करणाऱ्यांना दिलासा, आज सोने-चांदीच्या दरात झाली घसरण
Gold & Sliver Rate | Representational Image | (Photo Credits: Pixabay)

आंतरराष्ट्रीय बाजारात आज सोन्याच्या (Gold) दरात झालेल्या घसरणीचा परिणाम देशातही दिसून आला. आज मल्टी कमोडिटी एक्सचेंज (MCX) वर सोन्याचा दर 0.18 टक्क्यांनी घसरून 47,499 रुपये प्रति दहा ग्रॅम झाला आहे. त्याचबरोबर चांदीच्या (Silver) दरातही 0.21 टक्के घट झाली आणि ती 62,792 रुपये प्रति किलोवर नोंदवली गेली आहे. आंतरराष्ट्रीय बाजाराबद्दल बोलायचे झाले तर आज स्पॉट सोन्याच्या किंमतीत (Price) 0.2 टक्के किंचित घट झाली आहे. स्पॉट सोन्याची किंमत 1,801.78 डॉलर प्रति औंस होती. दुसरीकडे, यूएस गोल्ड फ्युचर्समध्ये आज फारसा बदल झाला नाही आणि तो 1,804.90 प्रति औंस राहिला. आंतरराष्ट्रीय बाजारात गेल्या काही दिवसांपासून सोन्याच्या किमतीत सातत्याने वाढ होत होती.

आज मुंबईमध्ये 22 कॅरेट सोन्याची किंमत 46,270 रुपये प्रति दहा ग्रॅम नोंदवली गेली आहे. तर दिल्लीमध्ये 22 कॅरेट सोन्याची किंमत 46,410 रुपये प्रति दहा ग्रॅम नोंदवली गेली आहे. कोरोना संकटामुळे लोकांनी सोन्यात मोठ्या प्रमाणात गुंतवणूक केली होती. ऑगस्ट 2020 मध्ये, एमसीएक्सवरील 10 ग्रॅम सोन्याची किंमत 56191 रुपयांच्या सर्वोच्च पातळीवर पोहोचली. आता एमसीएक्स वर सोने ऑक्टोबर वायदा 47500 रुपये प्रति 10 ग्रॅमच्या पातळीवर आहे, म्हणजेच ते अजूनही सुमारे 8700 रुपयांनी स्वस्त होत आहे.

चांदीची आतापर्यंतची सर्वोच्च पातळी 79,980 रुपये प्रति किलो आहे. त्यानुसार, चांदी देखील त्याच्या सर्वोच्च पातळीवरून सुमारे 18,260 रुपयांनी स्वस्त आहे. आज चांदीचा दर 62,792 रुपये प्रति किलो आहे. सोमवारी सराफा बाजारात सोन्याच्या किंमतीत किंचित वाढ झाली. सोमवारी, सोने प्रति 10 ग्रॅम 47,411 रुपयांना विकले गेले, तर शुक्रवारी ते 47,329 रुपयांना विकले गेले होते.

सलग सात महिन्यांच्या निव्वळ आवकानंतर, गोल्ड एक्सचेंज ट्रेडेड फंडांनी (Gold ETF) जुलैमध्ये 61 कोटी रुपयांहून अधिक पैसे काढले. गुंतवणूकदारांनी त्यांचे पैसे गोल्ड ईटीएफमधून काढले आणि त्यांना इक्विटी आणि डेट फंडांमध्ये गुंतवले. ज्याने चांगले परतावा दिला आहे. फेब्रुवारी 2020, नोव्हेंबर 2020 आणि जुलै 2021 वगळता ऑगस्ट 2019 पासून गोल्ड ईटीएफमध्ये गुंतवणूक सातत्याने वाढत आहे. डिसेंबर 2020 पासून गोल्ड ईटीएफ श्रेणीमध्ये स्थिर प्रवाह दिसून आला आहे. यावर्षी जुलैमध्ये 61.5 कोटी रुपयांची काढणी झाली. जूनमध्ये 360 कोटी आणि मे महिन्यात 288 कोटी रुपयांच्या गुंतवणुकीपेक्षा हे खूप वेगळे होते.