20 कोटींच्या खंडणीची मागणी करणाऱ्या पेटीएमच्या सचिवसह नवऱ्याला अटक
पेटीएमचे मालक विजय शेखर शर्मा यांची खासगी माहिती चोरुन त्यांच्याकडे खंडणीची मागणी करणारे प्रकरण समोर आले आहे.
पेटीएमचे मालक विजय शेखर शर्मा यांची खासगी माहिती चोरुन त्यांच्याकडे खंडणीची मागणी करणारे प्रकरण समोर आले आहे. तसेच या प्रकरणी पेटीएमच्या तीन कर्मचाऱ्यांनी ही माहिती चोरुन ती सर्वत्र पसरवू असे सांगून धमक्या देण्यात येत होत्या. तर या प्रकरणी एक महिलासुद्धा सामील असून ती विजय शर्मा याची सचिव असल्याचे उघडकीस आले आहे.
विजय शर्मा 20 सप्टेंबर रोजी जपानला काही कामासाठी गेले होते. त्यावेळी त्यांच्या मोबाईलवर एका अज्ञात नंबरवरुन धमकी देणारा फोन आला होता. तसेच फोन आलेल्या नंबरवरील व्यक्तीने आपल्याकडे पेटीएमच्या कंपनीची गुप्त माहिती असल्याचे सांगून 20 कोटींच्या खंडणीची मागणी केली. ही सर्व माहिती त्यांच्याकडील कर्मचाऱ्यांकडूनच मिळाली असल्याचे शर्मा यांना सांगण्यात आले. त्यामुळे शर्मा यांनी गौतम बुद्ध नगर पोलिसात या खंडणीसाठी आलेल्या फोनची तक्रार पोलिसांत नोंदवली होती. त्यानुसार पोलिसांनी सापळा रचून शर्मा यांची सचिव सोनिया धवन आणि तिच्या नवऱ्याला अटक केली आहे.
Noida: 3 Paytm employees were arrested y'day for allegedly trying to extort Rs 20 Crore from owner Vijay Sharma. Police say "They had stolen some data, blackmailed him&demanded Rs 20 Crore for not leaking it. They've been arrested. Data&their modus operandi is being investigated" pic.twitter.com/12mVfFK55N
— ANI UP (@ANINewsUP) October 22, 2018
तसेच या प्रकरणातील देवेंद्र कुमारला ही अटक केली असून चौथ्या आरोपीने पळ काढला आहे. तसेच पोलीस त्याचा शोध घेत आहेत. तर आरोपी सोनिया ही शर्मा यांच्याकडे गेली 10 वर्षे काम करत असल्याचे पोलिसांनी सांगितले आहे.
(The above story first appeared on LatestLY on Oct 23, 2018 11:33 AM IST. For more news and updates on politics, world, sports, entertainment and lifestyle, log on to our website latestly.com).
