SEBI Bars Anil Ambani: सेबीचा अनिल अंबानींना मोठा धक्का, रिलायन्स होम फायनान्सला बाजारात बंदी घालत केली कारवाई
भारतीय रोखे आणि विनिमय मंडळाने (SEBI) अनिल अंबानींना मोठा धक्का दिला आहे. सेबीने अनिल अंबानी आणि त्यांच्या रिलायन्स होम फायनान्सला बाजारातून बंदी घातली आहे. भारतीय सिक्युरिटीज अँड एक्स्चेंज बोर्डाने अनिल अंबानी आणि त्यांच्या कंपनीवर कथित फसवणूक केल्याप्रकरणी रोखे बाजारातून बंदी घालण्याची ही शिक्षा ठोठावली आहे.
भारतीय रोखे आणि विनिमय मंडळाने (SEBI) अनिल अंबानींना (Anil Ambani) मोठा धक्का दिला आहे. सेबीने अनिल अंबानी आणि त्यांच्या रिलायन्स होम फायनान्सला (Reliance Home Finance) बाजारातून बंदी घातली आहे. भारतीय सिक्युरिटीज अँड एक्स्चेंज बोर्डाने अनिल अंबानी आणि त्यांच्या कंपनीवर कथित फसवणूक केल्याप्रकरणी रोखे बाजारातून (Securities market) बंदी घालण्याची ही शिक्षा ठोठावली आहे. अनिल अंबानींशिवाय सेबीने आणखी तीन लोकांविरुद्ध कठोर पावले उचलली आहेत. अमित बापना, रवींद्र सुधाकर आणि पिंकेश आर. शहा. या तिघांवरही शेअर बाजारातून (Stock market) बंदी घालण्यात आली आहे. कंपन्यांशी संबंधित कथित फसवणुकीचा आरोप त्यांच्यावर आहे.
शेअर बाजार नियामक प्राधिकरण SEBI ने आपल्या अंतरिम आदेशात म्हटले आहे की, सेबीमध्ये नोंदणीकृत कोणत्याही मध्यस्थ, कोणतीही सूचीबद्ध सार्वजनिक कंपनी किंवा कोणत्याही पब्लिक लिमिटेड कंपनीचे कार्यवाहक संचालक/प्रवर्तक यांच्याशी संबंध ठेवण्यास संस्थांना मनाई आहे. ज्यांना भांडवल उभारायचे आहे. सेबीने हा अंतरिम आदेश 100 पानांत काढला आहे. पुढील आदेश येईपर्यंत ही बंदी कायम राहणार आहे. हेही वाचा Aditya Thackeray On BJP: भाजपने एनडीएतील मित्रपक्षांच्या पाठीत खंजीर खुपसला- आदित्य ठाकरे
ही बातमी येण्यापूर्वीच रिलायन्स होम फायनान्सच्या स्टॉकची अवस्था बिकट आहे. त्यांच्या शेअरची किंमत 5 रुपयांपेक्षा कमी आहे. अनिल अंबानींची कंपनी रिलायन्स होम फायनान्स लिमिटेडचा शेअर शुक्रवारी बाजार बंद झाला तेव्हा 1.5 टक्क्यांनी घसरून 4.93 रुपयांवर व्यवहार करत होता. आता सुरक्षा बाजारावर बंदी घातल्यानंतर या कंपनीच्या उर्वरित भागधारकांसाठीही अडचणी निर्माण झाल्या आहेत. कंपनीचे बाजारमूल्य 238.89 कोटी आहे.
अनिल अंबानी हे आशियातील सर्वात श्रीमंत व्यक्ती मुकेश अंबानी यांचे भाऊ आहेत. सध्या आशियातील सर्वात श्रीमंत व्यक्ती अदानी समूहाचे प्रमुख गौतम अदानी आहेत. संपत्तीच्या बाबतीत मुकेश अंबानी आता दुसऱ्या क्रमांकावर पोहोचले आहेत. अनिल अंबानी हे रिलायन्स एडीएजी ग्रुपचे मालक आहेत. अनिल अंबानी दीर्घकाळापासून अडचणीत आहेत. त्यांची कंपनी सतत तोट्यात जात आहे. आता सेबीच्या नव्या कठोर निर्बंधानंतर अनिल अंबानींच्या अडचणीत आणखी वाढ होऊ शकते.
(The above story first appeared on LatestLY on Feb 12, 2022 05:05 PM IST. For more news and updates on politics, world, sports, entertainment and lifestyle, log on to our website latestly.com).
