Railway Food Update: ट्रेनमध्ये बाजरीचे पदार्थ मिळण्याची शक्यता, IRCTC मेनूमध्ये सुधारणा करण्याची आखतेय योजना

लवकरच, रेल्वे प्रवासी (Railway Passengers) बाजरी-आधारित खाद्यपदार्थ ऑर्डर करू शकतील. त्याचा आस्वाद घेऊ शकतील, कारण इंडियन रेल्वे केटरिंग अँड टुरिझम कॉर्पोरेशन (IRCTC) आपल्या मेनूमध्ये पौष्टिक जोड आणण्याची योजना करत आहे. IRCTC चे मुख्य प्रादेशिक व्यवस्थापक अजित कुमार सिन्हा म्हणाले की, उत्तर प्रदेशातील सर्व विक्रेत्यांना रेल्वे प्लॅटफॉर्मवरील 78 स्टॅटिक्स युनिट्ससह त्यांच्या मेनूमध्ये बाजरी आधारित खाद्यपदार्थ जोडण्यास सांगितले आहे. त्यांच्यासोबत, रेल्वेच्या मोबाईल युनिट्स, पॅन्ट्री कार आणि सरकारी इमारतींमधील आयआरसीटीसी रेस्टॉरंट्सनाही हीच दिशा देण्यात आली आहे, ते पुढे म्हणाले.

IRCTC अधिकाऱ्याने पुढे सांगितले की, संयुक्त राष्ट्रांनी 2023 हे बाजरीचे आंतरराष्ट्रीय वर्ष म्हणून घोषित केल्याच्या अनुषंगाने हे उपाय केले जात आहेत.  आयआरसीटीसी, नवी दिल्ली कडून एक पत्र सर्व विक्रेत्यांना पाठवण्यात आले आहे आणि लवकरच ते सर्व फूड युनिट्सना उपलब्ध करून दिले जाईल. IRCTC ने फेब्रुवारी महिन्यात सीएसएमटी, मुंबई ते शिर्डी आणि सोलापूर दरम्यानच्या वंदे भारत एक्स्प्रेसमध्ये ट्रेनच्या मेनूमध्ये बाजरी आणली. हेही वाचा SEBI-Sahara Case: सहाराच्या गुंतवणूकदारांसाठी मोठी बातमी; लवकरच मिळू शकतील अडकलेले पैसे, Supreme Court ने अलॉट केले 5,000 कोटी रुपये

आयआरसीटीसीनुसार, बाजरीचे लाडू, भाकरी आणि बाजरी, ज्वारी, नाचणी, बाजरीची कचोरी, बाजरीची खिचडी, बाजरीचा दालिया, बाजरीची बिस्किटे, नाचणी इडली, नाचणी डोसा आणि नाचणी उत्तपम यासारखे खाद्यपदार्थ दिले जातील. सिन्हा म्हणाले, बाजरीचा मेनू हा देशातील स्वदेशी जेवण साजरा करण्याचा एक प्रयत्न आहे. हे निःसंशयपणे अशा प्रवाश्यांना आकर्षित करेल, ज्यांना असे पदार्थ वारंवार हवे असतात पण ते सापडत नाहीत, सिन्हा म्हणाले.

(The above story first appeared on LatestLY on Mar 29, 2023 09:02 PM IST. For more news and updates on politics, world, sports, entertainment and lifestyle, log on to our website latestly.com).