नथुराम गोडसे यांच्यावरील वादग्रस्त विधानानंतर कमल हासन म्हणाले- 'मी अटकेला घाबरत नाही'
काही दिवसांपूर्वीच अभिनेते कमल हसन यांनी नथुराम गोडसे हे स्वतंत्र भारताचे पहिले हिंदू दहशतवादी आहेत, असे वादग्रस्त विधान केले होते. त्यानंतर त्यांच्या या विधानावर देशभरातून संमिश्र प्रतिक्रीया उमटत होत्या.
काही दिवसांपूर्वीच अभिनेते कमल हसन (Kamal Haasan) यांनी नथुराम गोडसे (Nathuram Godse) हे स्वतंत्र भारताचे पहिले हिंदू दहशतवादी आहेत, असे वादग्रस्त विधान केले होते. त्यानंतर त्यांच्या या विधानावर देशभरातून संमिश्र प्रतिक्रीया उमटत होत्या. आपल्या या विधानावर आज पुन्हा एकदा मक्कम निधी मय्यमचे संस्थापक कमल हसन म्हणाले की, "मला कोणाला अटक करायची असेल तर करु द्या. अटकेला मी घाबरत नाही. जर त्यांनी असे केले तर समस्या अधिक वाढतील. ही ताकीद नाही तर हा सल्ला आहे."
ANI ट्विट:
Kamal Haasan on protest over his Godse remark: I am not afraid of being arrested. Let them arrest me. If they do that it will only create more problems. It is not a warning but only an advice. pic.twitter.com/hVMkP3I9mJ
— ANI (@ANI) May 17, 2019
त्रिची (Trichy) येथील रॅलीत दगडफेक आणि हल्ल्यावर प्रतिक्रीया देताना कमल हसन म्हणाले की, "राजकारणाचा स्तर घसरत आहे. मला भीती वाटत नाही. प्रत्येक धर्माचे दहशतवादी असतात. विशिष्ट धर्माचा म्हणून पवित्र असं आपण म्हणू शकत नाही. कट्टरवाद हा प्रत्येक धर्मात आहे, हे इतिहास सांगतो."
ANI ट्विट:
Kamal Haasan on stones thrown at his rally in Trichy: I feel the quality of polity is going down. I don't feel threatened. Every religion has their own terrorist, we cannot claim that we are sanctimonious. History shows that all religions have their extremists. #Chennai pic.twitter.com/R7buqXnUBU
— ANI (@ANI) May 17, 2019
चेन्नईतील अर्वाकुरची इथल्या प्रचारावेळी कमल हसन यांनी महात्मा गांधी यांच्या पुतळ्यासमोर भाषण करताना नथुराम गोडसे हिंदू दहशतवादी असल्याचे विधान केले होते. या विधानाचा भाजप-शिवसेनेकडून कडाडून निषेध केला गेला. तर या विधानामुळे कमल हासन यांच्यावर मदुराईत मद्रास हायकोर्टात याचिका दाखल करण्यात आली. त्यावर "ते भाषण केवळ नथुराम गोडसे यांच्याविरुद्ध होते, सर्व हिंदूंच्या विरोधात नव्हते," असे स्पष्टीकरण कमल हासन यांच्याकडून देण्यात आले.
(The above story first appeared on LatestLY on May 17, 2019 11:26 AM IST. For more news and updates on politics, world, sports, entertainment and lifestyle, log on to our website latestly.com).
