SpiceJet Staff Arrested | Photo Credits: X/PTI)

जयपूर विमानतळावर (Jaipur Airport) सुरक्षा तपासणीवरून झालेल्या वादात केंद्रीय औद्योगिक सुरक्षा दलाच्या (CISF) कर्मचाऱ्याला कथितपणे थप्पड मारल्याप्रकरणी स्पाइसजेटच्या (SpiceJet) एका कर्मचाऱ्याला गुरुवारी अटक करण्यात आली. स्पाइसजेटने आपल्या कर्मचाऱ्याचा बचाव केला आहे. तसेच, आपल्या कर्मचाऱ्यावर लैंगिक छळ (Sexual Harassment) झाल्याचा आरोप केला आहे आणि त्यात सहभागी असलेल्या CISF कर्मचाऱ्यांवर कायदेशीर कारवाई करण्याचा इशारा दिला आहे.

स्पाईसजेट एअरलाईन्सची फूड सुपरवायझर अनुराधा राणी पहाटे 4 वाजणेच्या सुमारास इतर कर्मचाऱ्यांसमवेत वाहनाच्या गेटमधून विमानतळावर प्रवेश होत्या. या वेळी सहायक उपनिरीक्षक गिरीराज प्रसाद यांनी त्यांच्याकडे गेट वापरण्याची वैध परवानगी नसल्यामुळे रोखले असे पोलीस आणि सीआयएसएफ अधिकाऱ्यांनी सांगितले. CISF अधिकाऱ्यांनी असा दावा केला की त्यानंतर राणीला जवळच्या प्रवेशद्वारावर एअरलाइन क्रूसाठी स्क्रीनिंग (Security Screening) करण्यास सांगितले होते. परंतु त्यावेळी कोणतीही महिला CISF कर्मचारी उपलब्ध नव्हती. जयपूर विमानतळाचे एसएचओ रल लाल यांनी नोंदवले की ASI ने सुरक्षा तपासणीसाठी एका महिला सहकाऱ्याला बोलावले, परंतु परिस्थिती चिघळली, ज्यामुळे स्पाइसजेटच्या कर्मचाऱ्याने ASIला थप्पड मारली. सीआयएसएफच्या जवानांवर गुन्हा दाखल करण्यात आला असून तिला अटक करण्यात आली आहे. (हेही वाचा, Contempt Action On SpiceJet: स्पाइसजेटवर अवमानाची कारवाई! विमान आणि इंजिन परत न करण्याबाबत उच्च न्यायालयाची कठोर भूमिका)

एक्स पोस्ट

स्पाइसजेटच्या प्रवक्त्याने सांगितले की, "आज जयपूर विमानतळावर एक दुर्दैवी घटना घडली ज्यामध्ये स्पाइसजेटची एक महिला सुरक्षा कर्मचारी आणि एक पुरुष CISF कर्मचारी यांचा समावेश होता. स्टीलच्या गेटवर कॅटरिंग वाहन घेऊन जात असताना, आमच्या महिला सुरक्षा कर्मचारी सदस्य, भारताच्या नागरी उड्डयन सुरक्षा नियामक ब्युरो ऑफ सिव्हिल एव्हिएशन सिक्युरिटी (बीसीएएस) द्वारे जारी केलेला वैध विमानतळ प्रवेश पास होता. तिला सीआयएसएफ कर्मचाऱ्यांनी अनुचित आणि अस्वीकार्य भाषेचा सामना करावा लागला, ज्यात तिला ड्युटीच्या वेळेनंतर येऊन भेटण्यास सांगितले. स्पाइसजेट आपल्या महिला कर्मचाऱ्याच्या लैंगिक छळाच्या या गंभीर प्रकरणात आम्ही त्वरित कायदेशीर कारवाई करत आहोत. आम्ही आमच्या कर्मचाऱ्याच्या पाठीशी खंबीरपणे उभे आहोत आणि तिला पूर्ण पाठिंबा देण्यास वचनबद्ध आहोत. (हेही वाचा, Delhi-Bengaluru SpiceJet Flight Delayed: पायलट नसल्यामुळे स्पाईसजेटच्या दिल्ली-बेंगळुरू विमानाच उड्डान रखडलं; प्रवासी 48 तास विमानतळावर अडकले (Watch Video))

व्हिडिओ

अनुराधा राणीविरुद्ध भारत न्याय संहिता (बीएनएस) कलम (121 (1) (लोकसेवकाला त्याच्या कर्तव्यापासून परावृत्त करण्यासाठी स्वेच्छेने दुखापत करणे) आणि 132 (लोकसेवकाला मारहाण) नुसार गुन्हा दाखल करण्यात आला आहे. एसएचओने सांगितले की एएसआयच्या तक्रारीच्या आधारे राणीला अटक करण्यात आली आहे आणि सध्या या प्रकरणाची चौकशी सुरू आहे.