इंदौर मध्ये भाजपा आमदाराचा गुंडाराज, पालिकेच्या कर्मचाऱ्यांना केली मारहाण (Watch Video)
इंदौर मधील भाजपाचे आमदार आकाश विजयवर्गीय यांनी आज, पालिकेच्या काही कर्मचाऱ्यांना मारहाण केली. हे कर्मचारी धोकादायक इमारतीची वास्तू तोडण्यासाठी आले असता त्यांच्यात आणि आकाश मध्ये बाचाबाची झाली होती.
निवडणुकीच्या काळात जनतेला मायबापाचा दर्जा देणाऱ्या राजकारण्यांचा सत्तेत येताच बदलणारा सूर आपण याआधी सुद्धा पहिला असेल. असाच एक प्रकार आज, इंदौर (Indore) मध्ये पाहायला मिळाला. भाजपाचे (BJP) राष्ट्रीय सचिव कैलाश विजयवर्गीय (Kailash Vijayvargiy) यांचे सुपुत्र आमदार आकाश विजयवर्गीय (Aakash Vijayvargiy) यांनी इंदौर मध्ये महापालिका कर्मचाऱ्यांना मारहाण केली. हे कर्मचारी गंजी कंपाउंड मधील मोडकळीस आलेली इमारत तोडण्यासाठी आले होते. यावेळी एकाने हा प्रसंग आपल्या फोनमध्ये रेकॉर्ड केला आहे, हा व्हिडीओ सोशल मीडिया वरून व्हायरल होत असून आकाश यांच्या वर्तवणुकीवर जोरदार टीका होत आहेत. या प्रकरणी आताच आकाश यांना पोलिसांनी अटक केली आहे.
ANI ट्विट
#WATCH Madhya Pradesh: Akash Vijayvargiya, BJP MLA and son of senior BJP leader Kailash Vijayvargiya, thrashes a Municipal Corporation officer with a cricket bat, in Indore. The officers were in the area for an anti-encroachment drive. pic.twitter.com/AG4MfP6xu0
— ANI (@ANI) June 26, 2019
विभागीय अधिकारी धीरेंद्र बायस आणि असीत खरे इंदूर महापालिकेच्या टीमसह धोकादायक इमारत तोडण्यासाठी पोहोचले होते. या धोकादायक इमारतीत एकूण 5 कुटुंबे राहतात. यातील एका भाडेकरूचा एका अधिकाऱ्याशी वाद झाला. इतक्यात, आमदार आकाश विजयवर्गीय तिथे पोहोचले आणि त्यांचाही अधिकाऱ्यांशी वाद सुरू झाला.सुरवातीला आकाश यांनी 5 मिनिटांच्या आत इथून निघून गेला नाहीत, तर जे काही होईल त्याला तुम्हीच जबाबदार असाल अशा शब्दात कर्मचाऱ्यांना धमकावले मात्र हे कर्मचारी जायला तयार नसल्याचे पाहून आकाश यांनी हातात बॅट घेत धीरेंद्र बायस यांना मारहाण केली. त्यांच्यासोबत आलेल्या कार्यकर्त्यांनीही बायस यांना मारहाण केली.
या प्रकरणी आकाश यांनी माध्यमाशी बोलताना उलट आपल्या वागण्याचे समर्थन केले आहे. यापुढे भ्रष्ट कर्मचाऱयांना अशीच वागणूक मिळेल, आधी आवेदन मग निवेदन आणि त्यानंतर दनादान असा आपला पवित्रा असल्याचे सुद्धा आकाश यांनी म्हंटले आहे. गुजरात मध्ये BJP आमदाराची गुंडशाही, भर रस्त्यात महिलेला लाथा बुक्क्यांनी केली मारहाण (Watch Video)
ANI ट्विट
Akash Vijayvargiya, BJP MLA on thrashing a Municipal Corporation officer in Indore: This is just the beginning, we will end this corruption & goondaism. 'Aavedan, nivedan aur fir dana dan' this is our line of action. #MadhyaPradesh pic.twitter.com/xYLqJnpWdZ
— ANI (@ANI) June 26, 2019
दरम्यान, मध्य प्रदेशचे गृहमंत्री बाला बच्चन यांनी या घटनेबाबत बोलताना " नेता कितीही मोठा असो, जर त्याने कायदा हातात घेतला, तर कायदा आपले काम नक्कीच करेल"अशी प्रतिक्रिया दिली आहे.
(The above story first appeared on LatestLY on Jun 26, 2019 05:05 PM IST. For more news and updates on politics, world, sports, entertainment and lifestyle, log on to our website latestly.com).
