Shaktikanta Das Tenure Ends: आरबीआय गव्हर्नर शक्तिकांत दास यांचा कार्यकाळ संपला, संजय मल्होत्रा यांची उत्तराधिकारी म्हणून नियुक्ती

भारतीय रिझर्व्ह बँकेचे (Reserve Bank of India) गव्हर्नर (Governor) शक्तिकांत दास (Shaktikanta Das) यांचा कार्यकाळ समाप्त होत आहे. त्यांच्या जागी संजय मल्होत्रा पदभार स्वीकारणार आहेत. म्हणजेच मल्होत्रा (Sanjay Malhotra) हे आरबीआयचे नवे गव्हर्नर (New RBI Governor) असतील. दरम्यान, दास यांनी यांनी त्यांचा सहा वर्षांचा कार्यकाळ पूर्ण केल्याबद्दल सरकार, सहकारी आणि भागधारकांचे मनापासून आभार मानले. कोविड-19 महामारीसह अनेक जागतिक आव्हानांमधून भारतीय अर्थव्यवस्थेला मार्गस्थ करणाऱ्या दास यांनी सोशल मीडियावर भावनिक संदेश सामायिक करत आपल्या भावना व्यक्त केल्या.

शक्तिकांत दास यांच्या सोशल मीडिया संदेशात काय म्हटले?

पंतप्रधान मोदींचे आभारः आरबीआयच्या गव्हर्नरपदाची जबाबदारी आपल्यावर सोपवल्याबद्दल शक्तिकांत दास यांनी पंतप्रधान नरेंद्र मोदी यांचे आभार मानले. आपल्या कार्यकाळात पंतप्रधानांच्या कल्पना आणि मार्गदर्शनाचा महत्त्वपूर्ण प्रभाव असल्याचे श्रेय त्यांनी दिले. त्यांनी सोशल मीडियावर लिहीले की, "मला आरबीआय गव्हर्नर म्हणून देशाची सेवा करण्याची संधी दिल्याबद्दल आणि त्यांच्या मार्गदर्शन आणि प्रोत्साहनासाठी माननीय पंतप्रधान नरेंद्र मोदी यांचे मनापासून आभार". (हेही वाचा, Who is Sanjay Malhotra? : संजय मल्होत्रा, 1990 चे राजस्थान केडरचे आयएएस अधिकारी; उद्या शक्तीकांत दास यांच्या जागी स्वीकारणार पदभार)

अर्थमंत्र्यांचे अभिनंदनः अर्थमंत्री निर्मला सीतारामन यांची प्रशंसा करताना आरबीआय गव्हर्नर दास यांनी त्यांच्या कार्यकाळातील मजबूत वित्तीय-आर्थिक समन्वयावर प्रकाश टाकला. "माननीय अर्थमंत्री निर्मला सीतारामन यांना त्यांच्या सततच्या पाठिंब्याबद्दल आणि समर्थनाबद्दल मनापासून धन्यवाद. वित्तीय-आर्थिक समन्वय सर्वोत्तम होता आणि गेल्या सहा वर्षांत अनेक आव्हानांचा सामना करण्यास आम्हाला मदत झाली ", असे ते म्हणाले.

हितधारक योगदानः दास यांनी आर्थिक, कृषी, सहकारी आणि सेवा उद्योगांसह विविध क्षेत्रांच्या योगदानाची दखल घेतली आणि धोरण निर्मितीतील त्यांच्या गुंतवणुकीच्या मूल्यावर भर दिला. (RBI New Governor: मोठी बातमी! महसूल सचिव संजय मल्होत्रा ​​यांची आरबीआयचे पुढील गव्हर्नर म्हणून नियुक्ती)

आरबीआयच्या चमूचे कौतुकः जागतिक आर्थिक धक्क्यांमधून संस्थेला मार्गदर्शन करण्यासाठी आरबीआयच्या चमूने दाखवलेल्या समर्पण आणि प्रयत्नांबद्दल निवर्तमान गव्हर्नरांनी त्यांचे आभार मानले. 'आरबीआयच्या संपूर्ण टीमचे खूप खूप आभार. एकत्रितपणे, आम्ही अभूतपूर्व जागतिक धक्क्यांचा अपवादात्मक कठीण काळ यशस्वीरित्या पार केला ", असे ते म्हणाले.

संजय मल्होत्रा नवे उत्तराधीकारी

सध्या अर्थ मंत्रालयात महसूल सचिव म्हणून कार्यरत असलेले संजय मल्होत्रा यांची भारतीय रिझर्व्ह बँकेचे नवे गव्हर्नर म्हणून नियुक्ती करण्यात आली आहे. त्यांची नियुक्ती 11 डिसेंबर 2024 पासून अंमलात येत असल्याची घोषणा कार्मिक आणि प्रशिक्षण विभागाने अधिकृत अधिसूचनेत केली. मल्होत्राचा कार्यकाळ तीन वर्षांसाठी निश्चित करण्यात आला आहे.

शक्तिकांत दास यांची कामगिरी

दास यांनी त्यांच्या कार्यकाळात जागतिक अनिश्चिततेदरम्यान भारतीय अर्थव्यवस्थेला स्थिर करण्यात महत्त्वपूर्ण भूमिका बजावली. कोविड-19 महामारीच्या काळात निर्णायक आर्थिक धोरणात्मक हस्तक्षेपांनी दिशादर्शी  केलेले त्यांचे नेतृत्व विशेषतः उल्लेखनीय आहे. संजय मल्होत्राच्या नेतृत्वाखाली आरबीआय नवीन अध्यायाला सुरुवात करत असताना, भारतीय अर्थव्यवस्थेसाठी आगामी काळ कसा असेल याबाबत उत्सुकता आहे.

(The above story first appeared on LatestLY on Dec 10, 2024 11:35 AM IST. For more news and updates on politics, world, sports, entertainment and lifestyle, log on to our website latestly.com).